پۆلیسێن فره‌نسا دیار كر: وان ته‌رمێ ژنه‌كێ ب كوشتی ل سه‌ر شۆسته‌یێ رێیه‌كێ ل ده‌ڤه‌را شامبرای لییه تۆرز دیتییه و تێ دا ده‌ركه‌فتییه، ژ لایێ هه‌ڤژینێ وێڤه هاتییه كوشتن.
هه‌روه‌سا پۆلیسێن فره‌نسا راگه‌هاند، وان ته‌رمێ ژنه‌كا كوشتی ل سه‌ر شۆسته‌یێ رێیه‌كا ب قه‌ره‌بالغ ل ده‌ڤه‌را شامبرای لییه تۆرز ل هه‌رێما ئانده‌ر وۆلوار ل ناڤه‌ڕاستا فره‌نسا دیتییه” هه‌روه‌یا پۆلیس دبێژن، پشتی هه‌لگرتنا ته‌رمێ وێ و گه‌هاندییه نه‌خۆشخانێ ب مه‌ره‌ما پشكنینێ، ده‌ركه‌فتییه یا 57 سالییه.
رۆژناما “لۆپارزیان” یا فره‌نسی دیار كرییه ئه‌ڤ چه‌نده بوویه دیارده‌كا نیمچه رۆژانه ل فره‌نسا، كو ژ ن ژ لایێ كه‌سێن نێزیكی وان ڤه توندوتیژی به‌رامبه‌ر وان دهێته كرن و دهێنه كوشتن، ب ره‌نگه‌كی هه‌ر سێ رۆژان جاره‌كێ ژنه‌ك دهێته كوشتن.
