دادگەها فیدرالی یاسایەکێ دیتر یێ هەرێما کوردستانێ هەلوەشاند

ئاژانسا خانی:

دادگەها بلندا فیدرالییا عێراقی یاسایەکێ دیتر یێ پەرلەمانێ کوردستانێ هەلوەشاند كو 19 سالان به‌ری نوكه‌ دەرکربوو” یێ تایبەتە ب هەموارکرنا بڕگەكا یاسایا سزادانا عێراقى” شیره‌تكاره‌كێ یاسایی ژی دبێژیت: “ئەو کەسێن کو ب وێ هەموارێ ل سالا 2004 ێ هاتینه‌ تاوانبار کرن، ئێده‌ دێ بێتاوان دەرچن” دادگەها بلندا فیدرالی ل 15 ى ژریا ئێكێ گوتۆبێژ ل سه‌ر سکالایه‌كێ کرییە کو ل دژى سەرۆکێ پەرلەمانێ کوردستانێ هاتییه‌ تۆمار کرن بۆ هەلوەشاندنا یاسایا ژمارە 42 یا سالا 2004 ێ و بڕیارا نه‌ دەستووریبوونا وێ یاسایێ دایه‌.

وەعدى مزوورى، شیره‌تكارێ یاسایی بۆ ئاژانسا خانی گۆت، لدووڤ وێ بڕیارا دادگەها فیدرالى، هەموارا وێ یاسایێ دێ هێته‌ هه‌لوه‌شاندن و دێ چیته‌ به‌ری ره‌وشا هەموارکرنێ، کو ئەو بڕگە تێدا نینە “” یاكو به‌حسێ هندێ دكه‌ت” هه‌كه‌ کەسه‌ك ئه‌گه‌ر بیت بۆ خۆکوشتنا کەسه‌كێ دیتر، بهێته‌ تاوانبار كرن”” ئێدی دڤێت دادگەهـ کاری ب دارشتنا به‌ری نوكه‌ بكه‌ن” هه‌روه‌سا یاسایێ ژمارە 42 یا سالا 2004 ێ” ل پەرلەمانێ کوردستانێ هەموارکرنا بڕگا دویێ مادێ 408 یا یاساىێ سزادانا عێراقى بوویە، کو تایبەتە ب هاندانا خۆ کوشتنێ، د وێ هەموار كرنێدا په‌یڤه‌ك هاتییه‌ زێده‌ کرن و دڤێت ئەو تۆمەتبارە ببیتە ئه‌گه‌ره‌ك بۆ خۆ کوشتنا کەسه‌كی، کو سزایی وێ زیندانكرنه‌ ب وی مه‌رجی ژ حەفت سالان پتر نەبیت.

 ناڤهاتی گۆت ژی: ئەو هەموارە بۆ رێگریكرنێ بوو ل خۆ کوشتنا ژنان ل ژێر فشارێن هه‌ڤژینان کو هنده‌ك جاران ئه‌گه‌ر بوون بۆ خۆ کوشتنێ”.

لدووڤ بڕیارا دادگەهێ، کاریگەرییێن بجهئینانا وێ هەموارێ ل 13 ى 10 ى 2001 ێ” ل گوره‌یی وێ هەموارا هاتییه‌ دەرکرن، دێ هێته‌ هەلوه‌شاندن و هه‌روه‌سا لدووڤ وێ بریارا دادگەها فیدرالی ئەو کەسێن ژ ئه‌گه‌رێ زێده‌کرنا دەستەواژێ ‘هاندانا خۆ کوشتنێ’ هاتینه‌ سزادان، دێ بێتاوان دەرچن”.