ڕێڤهبهرییا هاتنوچوونا دهۆكێ ڕاگههاند، ل رۆژا چارشهمبى 15ى چریا دووێ ل چهند جاددهیێن سهرهكییێن باژێرێ دهۆكێ كامیرهیێن خال ب خال یێن تایبهت ب تۆماركرنا لهزاتى و سهرپێچییێن ترۆمبێلێ دێ هێنه كارا كرن، داخوازێ ژ شۆفێران دكهت، پابهندى رێنمایێن هاتنوچوونێ بن و لهزاتییا ترۆمبێلێن خوه ژ سنۆرێ رێپێداى نهبوورینن.
ڕێڤهبهرییا هاتنوچوونا پارێزگهها دهۆكێ دڕاگههاندنهكێدا دانانا كامیرهیێن خال ب خال یێن تایبهت ب تۆماركرنا لهزاتییا ترۆمبێلان و تۆماركرنا سهرپێچییان ل چهند جهێن دهۆكێ ڕاگههاند، ل دووڤ ڕاگههاندنێ، ژ رۆژا چارشهمبى 15-11-2023ێ ئهو كامیره بۆ تۆماركرنا سهرپێچییان دێ هینه كارا كرن.
ڕێڤهبهرییا هاتنوچوونا پارێزگهها دهۆكێ دیاركر، كامیره دێ ل پشكهكا دوو سایدان و رێكێن سهرهكییێن دهۆكێ هێنه دانان، ل وان جاددهیێن دوو ساید ههین دێ ل ههردوو سایدان هێنه دانان، ئهو جاددهیێن كامیره لێ دهێنه جهگیركرن ئهڤهنه :
-
جاددهیا بهرامبهر باخچێ گیانهوهران، ههردوو جاددهیێن هاتنوچوونێ، لهزاتییا رێپێداى 60 كیلۆمهتر د دهمژمێرهكێدا.
-
جاددهیا نهخۆشخانهیا ڤهژین، ههردوو جاددهیێن هاتنوچوونێ، لهزاتییا رێپێداى 60 كیلۆمهتر د دهمژمێرهكێدا.
-
جاددهیا شههیدان ئێكى شۆباتێ، ههردوو جاددهیێن هاتنوچوونێ، لهزاتییا رێپێداى 60 كیلۆمهتر د دهمژمێرهكێدا.
-
جاددهیا مالتایێ، لهزاتییا رێپێداى 60 كیلۆمهتر د دهمژمێرهكێدا.
-
جاددهیا پیشهسازییا كهڤن، نێزیك ئۆڤهر پاسێ، لهزاتییا رێپێداى 80 كیلۆمهتر د دهمژمێرهكێدا بۆ ترۆمبێلێن بچوون، 60 كیلۆمهتر د دهمژمێرهكێدا بۆ ترۆمبێلین مهزن.
-
جاددهیا بریفكا، لهزاتییا رێپێداى 80 كیلۆمهتر د دهمژمێرهكێدا بۆ ترۆمبێلێن بچووك، 60 كیلۆمهتر د دهمژمێرهكێدا بۆ ترۆمبێلێن مهزن.
