هێزێن سوننی هژماره‌كا به‌ربژاران بۆ سه‌رۆكێ په‌رله‌مانێ عیراقێ هه‌نه‌

ئاژانسا خانی:

خالد رێكانی” ئه‌ندامێ په‌رله‌مانێ عیراقێ ل سه‌ر فراكسیۆنا پارتی دیموكراتی كوردستان” بۆ ئاژانسا خانی دیار كر: ئه‌ڤرۆ چارشه‌مبی 22 ی چریا دووێ 2023 ێ” كۆمبوونا په‌رله‌مانێ عێراقێ دێ هێته‌ ئه‌نجامدان” به‌لێ ئه‌ڤرۆ سه‌رۆكێ په‌رله‌مانی ناهێته‌ هه‌لبژارتن و ب تنێ ده‌رگه‌هێ خۆ به‌ربژاركرنێ بۆ پۆستێ سه‌رۆكاتییا په‌رله‌مانی دێ هێته‌ ڤه‌كرن” دبیت بابه‌تێ هه‌لبژارتنا سه‌رۆكێ په‌رله‌مانێ عیراقێ بۆ رۆژا شه‌مبییا بهێت بهێته‌ پاشخستن و ئه‌و پۆسته‌ ژی بۆ هێزێن سوننی یه‌ ل عیراقێ.

ناڤهاتی گۆت ژی: هێزێن سوننی گه‌له‌ك به‌ربژار بۆ سه‌رۆكاتییا په‌رله‌مانێ عێراقێ هه‌نه‌” هه‌روه‌سا هێزێن سوننی كی پێ خۆشه‌ ببیته‌ سه‌رۆكێ په‌رله‌مانی” ئه‌م ژی دێ ل گه‌ل وێ چه‌ندێ بین” هه‌ر چه‌نده‌ هێشتا ب ره‌نگه‌كێ فه‌رمی چ ناڤ نه‌هاتینه‌ دیار كرن” به‌لێ ئه‌ڤرۆكه‌ نیسابێ قانوونی یێ په‌رله‌مانێ عیراقێ دێ كامل بیت و كۆمبوونا په‌رله‌مانی دێ هێته‌ كرن و‌ دبیت هنده‌ك هێزێن سوننی به‌رهه‌ڤی روونشتنا ئه‌ڤرۆ یا په‌رله‌مانی نه‌بن” بۆ دیاركرنا سه‌رۆكێ په‌رله‌مانێ عیراقێ ئه‌م وه‌كو كورد دێ ل گه‌ل ده‌نگێن زۆری نه‌ بین.