ئاوات شێخ جهناب، وەزیرێ دارایی یێ حكومەتا هەرێما كوردستانێ ئەڤرۆ سەرەدانا باژێرێ كۆیە كر و پڕۆژەیێ هژمارا من ل ئەوی باژێری دەستپێكر و د لێدوانەكا ڕۆژنامەڤانیدا لدۆر پرسا مووچەیێ فەرمانبەران ڕاگەهاند، د دەمێ دوو سالاندا هەمی فەرمانبەرێن ههرێما كوردستانێ و فەرمانبەرێن كهرتێ تایبهت ژی دێ ناڤێ وان چیتە سەر پڕۆژەیێ هژمارا من كو بڕیارەكا باش یا حكومهتێ بوو، ژبەركو ئاریشەیا مووچەی و قهرزێن مووچهی دێ چارەسەربیت.
هەروەسا ڕاگەهاند، ئەو ئەركێن لسەر ملێن حكومەتا هەرێمێ هەمی هاتینە ب جهئینان و ئەم چاڤەڕێی بەغداینە و دووماهیك بودجهیا پێداچوونێ ژی مە هنارتییە.
وەزیرێ دارایی دیاركر، تیمەكا هەرێمێ یا ئامادەیە بۆ دانوستاندن لدۆر مووچهی سەرەدانا بەغدا بكەت، هەروەسا سوودانی ژی یێ ئامادهیە بوو چارەسەركرنا ئاریشەیان.
