دیندار زێبارى: مه‌ پێدڤى ب میدیایا به‌رپرسیار هه‌یه‌

رێكخه‌رێ ڕاسپارێن نێڤده‌وله‌تى ڕاگه‌هاند، هه‌رێما كوردستانێ ژلایێ ئازادییا راده‌ربرینێڤه‌ پێشڤه‌چوونه‌كا باش ب خۆڤه‌ دیتییه‌ و پێدڤى ب میدیایا به‌رپرسیاره‌.

دیندار زێبارى رێكخه‌رێ ڕاسپاردێن نێڤده‌وله‌تى ل حكومه‌تا هه‌رێما كوردستانێ دیاركر، ل هه‌رێما كوردستانێ ئه‌و پێدڤى ب میدیایا به‌رپرسیارن، كو ڤه‌گۆهاستنا نووچه‌ و تێروانینێن میدیایێ دڤێت ڕاستگۆیى و به‌رپرسیاره‌تى تێدا بن.

گوت ژى : ل وه‌لاتان هه‌موو تشت 100%ێ نینن، لێ ل هه‌رێما كوردستانێ پێشڤه‌چوونه‌كا به‌رچاڤ ب خۆڤه‌ دیتییه‌، ئازادییا ڕاده‌ربرینێ پشكه‌كا گرنگه‌ ژ پلانا مافێن مرۆڤى، سه‌رۆكێ حكومه‌تێ پشته‌ڤانێ سه‌ره‌كییێ ئه‌ڤێ پلانێیه‌، نوكه‌ نه‌ ب تنێ ده‌رگه‌هـ بۆ ڕوومال و ئازادییا میدیایێ هاتییه‌ ڤه‌كرن، به‌لكو ئه‌و دپرۆسه‌یه‌كا گه‌له‌ك یا به‌رفره‌هدانه‌ بۆ ئاستێ تێگه‌هشتن و پشكدارییا سه‌ندیكایان، داكو رێكخراوێن كۆمه‌لا مه‌ده‌نى بۆ به‌رپرسیاره‌تییا داموده‌زگه‌هێن وان دهاریكاربن و به‌رده‌وام زانیارییان پێبده‌ن.

دیندار زێبارى ڕاگه‌هاند ژى، ئه‌وان دوو هه‌یڤان به‌رى نوكه‌ ب نڤیسارا فه‌رمى هه‌موو ده‌زگه‌هێن حكمه‌تێ ل سه‌ر ئاستێ وه‌زاره‌تان ئاگه‌هداركرینه‌، پێدڤییه‌ ئاسانكارییێن زێده‌تر بۆ پێدانا زانیارییان بكه‌ن، ب تایبه‌تى وان زانیارییان یێن كو پێدڤییه‌ وه‌لاتى ژێ د ئاگه‌هداربن، دڤێت رێ بۆ ڕوومالا میدیایێ خۆش بكه‌ن.