فراکسیۆنا پارتی د نڤیسارهكا فەرمیدا داخواز ژ سەرۆکوەزیرێن عێراقێ كر، “قەرەبوویا وان زیانان بكه‌ت یێن كو رژێمێن عێراقێ ل گەلێ كوردستانێ داین”.
مەریوان قەرەنی، جێگرێ سەرۆکێ فراکسیۆنا پارتی دیوموکراتی کوردستان ل پەرلەمانێ عێراقێ گۆت: ل ژێر راسپاردەیا سەرۆك بارزانی و د چارچوڤێ پابەندبوونا مه ب خزمەتكرنا گەلێ كوردستانێ، مه نڤیسارهكا فەرمی ل رۆژا 19 ی 11 ی 2023 ێ ئاراستەیی محەمەد شیاع سوودانی، سەرۆك وەزیرێن عێراقێ كرییه كو ب شێوێ دەستی مه ئه‌و نڤیساره دایێ و تێدا مه ئاماژە ب هندێ كرییه، پێدڤییە كار ب دەستوور و یاسایێن قەرەبووكرنا ئۆپەراسیۆنێن شه‌ری و ده‌لیڤێن سەربازی یا ژمارە 20 ی سالا 2009 بهێته کرن”.
ناڤهاتی گۆت ژی، لدووڤ وێ یاسایێ “دڤێت قەرەبوویا (شەهیدان و ئه‌وێن به‌رزه‌بووین، ئەوێن تووشی پەككەفتنا تەمام یان پشكه‌كێ بووین، ئەو زیانێن بەر مولك و مالان دكەڤن ل گەل ئەوان زیانێن كو پەیوەندی ب كاری و خواندنێ ڤە هەین) بهێنه كرن”هەروەسا دڤێتت کار ب یاسایا قەرەبووكرنا موڵك و مالێ زەرەرمەندێن دەستێ رژێما به‌رێ یا ژمارە 16 یا سالا 2010 بهێته کرن كە قەرەبووكرنا هه‌موو زەرەرمەندبوویێن دەستێ ڕژێما به‌رێ ڤه‌دگریت” ژ سالا 1968 ێ هه‌تا سالا 2023 ێ”.
