بزاڤه‌كا پارێزگارێ سه‌پاندییێ كه‌ركووكێ ب دژى كوردان شكه‌ستن ئینا

پارێزگارێ سه‌پاندییێ كه‌ركووكێ دڤێت میلاك و ده‌ستهه‌لاتا حه‌فت ڕێڤه‌به‌رى و فه‌رمانگه‌هان ژ ده‌ستێ وه‌زیره‌كێ كورد ل به‌غدا ده‌ربێخیت، لێ فه‌رمانا وى ژلایێ وه‌زیرێ ئاڤه‌دانكرنا عیراقێڤه‌ شكه‌ستن ئینا.

ژێده‌ره‌كى ژ ڕێڤه‌به‌رییا باژێرڤانییا كه‌ركووكێ دیاركر، ڕاكان جبوورى پارێزگارێ سه‌پاندییێ كه‌ركووكێ بۆ ڤه‌گۆهاستنا میلاكێ فه‌رمانبه‌رێن باژێرڤانى و باژێرڤانییان و پێنج فه‌رمانگه‌هێن دى بۆ هندێ بوو، وه‌زاره‌تا ئاڤه‌دانكرن و باژێرڤانییا عیراقێ كو وه‌زیرێ وێ كورده‌، چ ڕۆلێن كارگێرى ل كه‌ركووكێ نه‌مینن، لێ وه‌زیرێ ئاڤه‌دانكرنێ بریارا ڕاكان جبوورى ڕه‌تكر و ڕێڤه‌به‌رێن ئه‌وان حه‌فت فه‌رمانگه‌هان ئاگه‌هداركرن، كو ل سه‌ر كارێن خوه‌ یێن قانوونى د به‌رده‌وامبن و كار ب نیڤسارا پارێزگارێ سه‌پاندییێ كه‌ركووكێ نه‌كه‌ن.

ئه‌ڤ بزاڤا پارێزگارێ سه‌پاندییێ كه‌ركووكێ د ده‌مه‌كیدایه‌، لایه‌نێن سیاسییێن كورد ل كه‌ركووكێ مژوولى بانگه‌شه‌یا هه‌لبژارتنێن جڤاتا پارێزگه‌هانه‌، بۆ هندێ د خۆلا بهێت یا جڤاتا پارێزگه‌ها باژێریدا ده‌نگه‌كێ زێده‌ بده‌ستڤه‌ببه‌ن.