ڤه‌كۆلینه‌ك: مه‌ژییێ زارۆكان به‌رى ژ دایكبوونێ، خوه‌ بۆ فێربوونا زمانى ئاماده‌ دكه‌ت

زارۆك ل سالا ئێكێ یا ژییێ خوه‌ بله‌زاتییه‌كا سه‌یر فێرى زمانى دبن، لێ د ڕابردوویدا بۆ زانایان یا ڕوون نه‌بوو، ئه‌رێ زارۆكان د دزكێ ده‌یكێدا گوهـ ل ئاخڤتنێ دبیت یان نه‌، به‌رى ژ دایك دبن مه‌ژییێ خوه‌ بۆ فێربوونا زمانى ئاماده‌ دكه‌ن یان نه‌، نوكه‌ ڤه‌كۆلینه‌ك كو ل كۆڤارا ساینس ئه‌دڤانسز به‌لاڤبوویه‌، گه‌هشتییه‌ وى ئه‌نجامى كو زارۆك دزكێ ده‌یكێدا زێده‌تر گوهـ ل كیژ زمانى دبیت، زووتر فێرى وى زمانى دبیت.

ڤه‌كۆلین ئاماژێ ب هندێ د ده‌ت، مه‌ژییێ زارۆكێ دزكێ ده‌یكێدا هه‌ر ل قووناغا دناڤ مالبچیكى ( ره‌حمی )دا، خوه‌ دگه‌ل وى زمانى دگۆنجینیت یێ ڕووبڕوو وى دبیت، زانایێن ڤه‌كۆلینێ دبێژن: ئه‌نجامێن ڤه‌كۆلینا وان كو ژ هه‌موو ڤه‌كۆلینێن دى پتر دباوه‌رپێكرینه‌، به‌لگه‌یان نیشا وان دده‌ن كو ئه‌زموونا زمانى شێوازێ كاركرنا مه‌ژییێ ساڤایان به‌رى ژ دایكبوونێ ژى دیاردكه‌ت.

به‌هرا پتر یا زارۆكێن ساڤا شیانێن هندێ هه‌نه‌ كو ل ڕۆژێن ئێكێ خوه‌ فێرى هه‌ر زمانه‌كى بكه‌ن، ئه‌ڤ ڤه‌كۆلینه‌ دبێژیت : مێشكێ زارۆكان تایبه‌ت خوه‌ بۆ فێربوونا زمانێ ده‌یكێ ئاماده‌ د دكه‌ت.

د ده‌مه‌كیدا سالا ئێكێ قووناغا سه‌ره‌كییا فێربوونا زمانییه‌، ڤه‌كۆلین دیاردكه‌ت، قووناغا به‌رى ژ دایكبوونێ ژى كارتێكرنا هه‌ى و بنیاتێ پێشوه‌خت بۆ تێگه‌هشتن و ئاخڤتنێ دروست دكه‌ت.