دبیت ل شه‌مبییا بهێت په‌رله‌مانێ عێراقێ بۆ هه‌لبژارتنا سه‌رۆكێ نوو كۆمببیت.
عه‌لی فه‌تلاوی، سه‌ركرده ژ چارچوڤێ هه‌ماهه‌نگییێ گۆت، هێزێن سیاسی د دانوستاندنان دانه بۆ لێكتێگه‌هشتن و رێككه‌فتنێ ل سه‌ر كه‌سایه‌تییه‌كێ بۆ سه‌رۆكێ نوویێ په‌رله‌مانێ عێراقێ، بزاڤ هه‌نه ئه‌ڤ بابه‌ته پێش ئه‌نجامدانا هه‌ڵبژارتنێن جڤاتێن پارێزگه‌هان ئێكلا ببیت و گۆت ژی، چارچوڤێ هه‌ماهه‌نگییێ پشته‌ڤانییێ ل چ كه‌ساتییه‌كێ دیاركری ناكه‌‌ت.
چارچوڤێ هه‌ماهه‌نگییێ بڕیار دایه ل شه‌مبییا بهێت كۆمبوونا په‌رله‌مانی بهێته كرن بۆ هه‌لبژارتنا سه‌رۆكه‌كێ نوو” سەرکردەكێ وێ هه‌ڤپەیمانییێ گۆت، مه‌حموود مه‌شهه‌دانی، شه‌علان كه‌ریم و سالم عیساوی به‌ربژارێن بهێز یێن سووننیانن بۆ پۆستێ سەرۆکێ پەرلەمانێ عێراقێ.
د هه‌مان ده‌مدا” چیایی ته‌یمور” ئه‌ندامێ په‌رله‌مانێ عیراقێ بۆ ئاژانسا خانی گۆت” هه‌تا نوكه چ تشت یێ دیار نینه و دبیت ل رۆژا شه‌مبی ژی كۆمبوونا په‌رله‌مانێ عیراقێ نه‌هێته كرن و چ جهگر ژی بۆ حه‌لبووسی نه‌هێنه دانان.
