كۆلیژا شاهانه‌یا بریتانیا ڕێككه‌ڤتنه‌كا هه‌ڤپشك دگه‌ل هه‌رێما كوردستانێ ئیمزاكر

شانده‌كێ بلندێ وه‌زاره‌تا ساخله‌مییا حكومه‌تا هه‌رێما كوردستانێ ب سه‌رۆكایه‌تییا سامان به‌رزنجى وه‌زیرێ ساخله‌مییێ سه‌ره‌دانا له‌نده‌نا پایته‌ختێ بریتانیا كر و رێككه‌ڤتنه‌كا هه‌ڤپشك دگه‌ل كۆلیژا شاهانه‌ ئیمزاكر.

شاندێ ناڤبرى سه‌ره‌دانا كۆلیژا شاهانه‌یا بریتانیا د بوارێ نه‌خۆشى زانینێدا كر، بۆ جارا ئێكی ل سه‌ر ئاستێ عیراقێ و هه‌رێما كوردستانێ، باوه‌رى و ریككه‌ڤتنه‌كا هه‌ڤپشك دگه‌ل كۆلیژا شاهانه‌یا بریتانیا ئیمزاكر.

 ئه‌ڤ ڕێككه‌ڤتنه دناڤبه‌را وه‌زاره‌تا ساخله‌مییێ و بۆردێ كوردستانێ و كۆلیژا شاهانه‌یا نه‌خۆشیزانینێ دا بۆ پێشڤه‌برنا شیانێن ژێرخانه‌، ژێده‌رێن مرۆڤى، بسپۆرییا تاقیگه‌هێن جۆدا، باوه‌رنامه‌یا ئه‌كادیمى، ڕاهێنان، وه‌رگرتن ل خواندنا بلند دبوارێ بسپۆرییێن تاقیگه‌هى و نه‌خۆشیزانینێدا، خۆلێن ڕاهێنانان و چه‌ندین كاروبارێن هه‌ڤپشكه‌.