ڕێڤهبهرییا حهج و عومرهیا ههرێما كوردستانێ، ئهنجامێن پشككێشانا ناڤێن حهجییان بۆ فهریزهیا حهجا سالا 2024ێ بهلاڤكرن.
پشككێشان بۆ دیاركرنا ناڤێن وان كهسان هاته كرن یێن دێ ل سالا بهێت فهریزهیا حهجێ بجهئینن، كو زێدهتر ژ 121 هزار ناڤ بوون و ژ وێ ژمارێ، چار هزار و 174 كهس هاتنه ههلبژارتن.
شێخ نیاز نهقشبهندى ڕێڤهبهرێ گشتییێ حهج و عومرهیا ههرێما كوردستانێ دپڕێسكوفرانسهكیدا دیاركر، 62 هزار و 669 كهسان داخوازى بۆ چوونا حهجێ پێشكێشكربوو، سهرجهمێ گشتییێ داخوازاییان گههشته 121 هزار و 864 كهسان، د دهمهكیدا پشكا حهجییێن ههرێما كوردستانێ بۆ سالا 2024ێ چار هزار و 174 كهسن.
شێخ نیاز نهقشبهندى ئاشكراكر، ئهڤ ساله دهرفهت 60%ێ بۆ وان كهسانه بوو یێن ل سالێن بوورى ناڤێن خوه تۆماركرین، 40%ێ بۆ وان كهسان بوو یێن ئهڤساله ناڤێن خوه تۆماركرین.
ل دووڤ پشككێشانێ، ئهوێن ل سالێن بوورى ناڤێن خوه تۆماركرین و ناڤێن وان هاتین، دوو هزار و 504 كهسن و یێن ئهڤساله ئێك هزار و 670 كهسن.
شێخ نیاز نهقشبهندى ئاماژه ب هندێ ژى دا، دگهل ههلبژارتنا تماما دهرچوویان، ژمارهیهكا یهدهكان هاتییه دانان، ئهوێن ئهڤساله ناڤێن وان دهرنهكهڤتین و ئهوێن ب یهدهك ناڤێن وان نههاتین، ل سالا بهێت ناڤێن خوه ئێك ژ وان ناهێت، ل سالا بهێت سیستهمێ حهجێ دێ بۆ ئۆنلاینى هێته گوهۆرین و چ ناڤێن كهڤن نامینن، ههموو وهلاتى دشێن ل مالێن خوه و ب مۆبایلێ دخوازا چوونا حهجێ تۆماربكهن.
ناڤ دلینكێ خوارێدا هاتینه بهلاڤكرن
https://drive.google.com/drive/folders/15YtIqlCoJZjTSlxvbdPGIUTZ4spMFcFf?fbclid=IwAR2YQn4FyijS-rn2XX99YfZjvgItyK4VcSb8Tf2tVb0omURxj098NR1XSj0
