سەرۆك بارزانی ل گەل سكرتاریەتا ئێكه‌تییا ئافرەتێن كوردستانێ كۆمبوو

ئەڤرۆ ئێكشەمبی، 17ی كانوونا ئێكێ 2023 ێ، ل سەلاحەددین سەرۆك مەسعود بارزانی ل گەل سكرتێر و ئەندامێن سكرتاریەتا ئێكه‌تییا ئافرەتێن كوردستانێ كۆمبوو.

د وێ كۆمبوونێ دا سەرۆك بارزانی زێده‌باری ئاماژەدان بۆ ڕۆلێ ئێكه‌تییا ئافرەتێن كوردستانێ د قووناغێن جۆدا یێن خەباتا گەلێ كوردستانێ دا، قوربانیدان و ماندیبوونا ئافرەتێن كوردستانێ بلند نرخاند و ب پێدڤی زانی كو ل قووناغێن بهێت دا ئێكه‌تییا ئافرەتێن كوردستانێ د پێگەهاندنا ئافرەتان و هشیارییا نەتەوەیی و نیشتیمانییا ئافرەتان ب گڕوتینه‌كا زێده‌تر و سەردەمیانە بەردەوام بن” هەروەسا كار بۆ بەرگریكرن و پاراستنا مافێن ئافرەتان د وارێن جۆدا یێن جڤاكێ كوردستانی دا بكەن”.