وەزارەتا ناڤخۆ 165 پلەیێن دامەزراندنێ راگەهاندن

وەزارەتا ناڤخۆ یا هەرێمێ ل سەر ڕەزامەندییا سەرۆکوەزیران مەسرور بارزانی ب ده‌هان پلەیێن دامەزراندنێ ب شێوێ هه‌ڤبه‌ست ڕاگەهاندن.

ئەڤرۆ وەزارەتا ناڤخۆ یا حکومەتا هەرێما کوردستانێ د ڕاگەهاندنەكێدا و ل سەر ڕەزامەندییا سەرۆکوەزیران مەسرور بارزانی،(165) پلەیێن دامەزراندنێ وەکو پۆلیسێن گەشتیاری ب هه‌ڤبه‌ست راگەهاند.

 وەكو دڕاگەهاندنێدا هاتی، ئەو پۆلیسە، بۆ خزمەتکرنێ ل دەستەیا گشتییا گەشتوگوزارێ ل وەزارەتا باژێڕڤانی و گەشتوگوزارێ دێ هێنە دامەزراندن و هەرئێك دێ ل سنۆرێ ڕێڤەبەرییا گشتییا گەشتوگوزارێ لە پارێزگەهـ و ئیدارێن سەربەخۆ ل جهێن گەشتیاری خزمەتێ کەن.

پلە ب ڤی ڕەنگێ ل خوارێ دێ هێنە به‌لاڤكرن:

–  ڕێڤەبەرییا گشتییا گەشتوگوزاراهەولێرێ (30) پلە

–  ڕێڤەبەرییا گشتییا گەشتوگوزارا سلێمانییێ (30) پلە

-ڕێڤەبەرییا گشتییا گەشتوگوزارا دهۆكێ (25) پلە

–  ڕێڤەبەرییا گشتییا گەشتوگوزاری یا هەڵەبجە (15) پلە

–  ڕێڤەبەرییا گشتییا گەشتوگوزارا سۆران (20)پلە

 – ڕێڤەبەرییا گشتییا گەشتوگوزارا گەرمیان (15) پلە

–  ڕێڤەبەرییا گشتییا گەشتوگوزارا ڕاپەڕین (15) پلە

 – ڕێڤەبەرییا گشتییا گەشتوگوزارا زاخۆ (15) پلە

مەرجێن وەرگرتنێ:

–  ژییێ وی ژ 18 ساڵان کێمتر نەبیت و ژ 27 ساڵان زێدەتر نەبیت.

–  خۆدان ڕەوشت و ڕەفتار و ناڤودەنگێ وی باش بیت و ب چ تاوانان نەهاتبیتە سزادان.

 – باوەرناما (ئامادەییا گەشتیاری یان پەیمانگەها گەشتیاری) ژ ئێك ژ سازییێن باوەرپێكری یێن هەرێما كوردستانێ ب دەستڤەئینابیت.

– ژ مەرجێن بەژنێ و ساخلەمییێ یێن پێدڤى بۆ پۆلیسبوونێ دەربچیت.

–  ئەولەویەت دێ ب کچ و کوڕێن شەهیدان هێتەدان.

–  ئەو كەسێن ژبلی زمانێ کوردی، زمانێ عەرەبی یان ئینگلیزی یان هەردوویان بزانیت، دێ پێشینە (ئەولویەت) دوەرگرتنێ دا هەبیت.