ڕێڤهبهرێ ڕێكاران و ڕاهێنانان ل كۆمیسیۆنا بلندا سهربهخۆ یا ههلبژارتنێن عیراقێ ڕاگههاند، ژ ئهگهرێ تێكچوونا كارێ كۆمسیۆنێ و پاشخستنا بریارا دادگهها بلندا فیدرالى ل سهر قانوونا ههلبژارتنێن پهرلهمانێ كوردستانێ، ههلبژارتن دێ ژ وى دهمى هێنه پاشخستن یێ كو بۆ هاتییه دانان، جڤاتا كۆمیسیاران دێ بۆ گوهۆرینان د خشتهیێ ههلبژارتناندا كۆمبیت.
داود سهلمان ڕێڤهبهرێ ڕێكاران و ڕاهێنانان ل كۆمیسیۆنا بلندا سهربهخۆ یا ههلبژارتنێن عیراقێ دیاركر، ژ ئهگهرێ بریارا دادگهها بلندا فیدرالی ل دۆر تانهیا دژى قانوونا ههلبژارتنێن پهرلهمانێ كوردستانێ، ئاریشه بۆ كارێن وان پهیدابووینه، ل دووڤ ژڤانێ بریارا دادگهها فیدرالى كو دی ل 21ى كانوونا دووێ یا سالا 2024ێ دهركهڤیت، دهمێ پێدڤى ل بهر كۆمسیۆنێ نابیت و ههلبژارتن دێ هێنه پاشخستن.
ههروهسا د. خالد ڕێكانى ئهندامێ جڤاتا نوونهرێن عیراقێ بۆ ئاژانسا خانى دیاركر، دادگهها فیدرالى دێ ل 24-1-2024ێ بریارێ ل دۆر قانوونا ههلبژاراتنێن پهرلهمانێ كوردستانێ دهت، ب تنێ ههیڤهك دێ دناڤبهرا بریارێ و ژڤانێ ههلبژارتناندا بیت، كۆمیسیۆنێ دهم نابیت بهرههڤییێن تمام بۆ ههلبژارتنان بكهت و دێ هێنه پاشخستن
