كار ل سه‌ر دروستكرنا 13 به‌نداڤێن نوو ل هه‌رێما كوردستانێ دهێته‌كرن

دكابینه‌یا نه‌هێ یا حكومه‌تا هه‌رێما كوردستانێدا چار به‌نداڤ ب كوژمێ زێده‌تر ژ 45 ملیار دیناران ل هه‌رێما كوردستانێ هاتینه‌ دروستكرن، 13 به‌نداڤێن دى ژى د بوارێ بجهئینانێدانه‌.

ل دووڤ داتایێن فه‌رمانگه‌ها میدیا و زانیارییان، ل ده‌ستپێكا ده‌ستبكاربوونا كابینه‌یا نه‌هێ، چار به‌نداڤ ل هه‌رێما كوردستانێ ب كوژمێ زێده‌تر ژ 45 ملیار دیناران هاتینه‌ دروستكرن، كار ل سه‌ر 13 به‌نداڤێن دى ژى ب كوژمێ زێده‌تر ژ 553 ملیار دیناران دهێته‌كرن، پرۆژه‌ ژلایێ ئه‌ندازیار و كارمه‌ندێن ناڤخۆڤه‌ دهێنه‌ بجهئینان و ب هزاران ده‌لیڤه‌یێن كارى ره‌خساندینه‌.

ب گشتى ل هه‌رێما كوردستانێ 21 به‌نداڤ هه‌نه‌، حكومه‌تا هه‌رێما كوردستانێ دبزاڤێن به‌رده‌وامدایه‌ بۆ دابینكرنا ئاسایشا ئاڤێ و زێده‌كرنا ئاڤا ل ژێر ئه‌ردى، ژبلى به‌نداڤان، حه‌فت پۆند هاتینه‌ دروستكرن و 42 پۆندێن دى ژى دقووناغا بجهئینانێدانه‌.