وه‌زاره‌تا پێشمه‌رگه‌ى ئیدانه‌یا هێرشا درۆنیىا سه‌ر باره‌گایه‌كێ هێزێن پێشمه‌رگه‌ى كر

وه‌زاره‌تا پێشمه‌رگه‌ى یا حكومه‌تا هه‌رێما كوردستانێ ڕاگه‌هاندنه‌ك به‌لاڤكر و تێدا ئیدانه‌یا هێرشا درۆنییا سه‌ر باره‌گایه‌كێ هێزێن پێشمه‌رگه‌ى ل سنۆرێ پیرمام – هه‌ولێرێ كر.

وه‌زاره‌تا پێشمه‌رگه‌ی د ڕاگه‌هاندنێدا دیاركر، ئه‌و ب توندى ئیدانه‌یا هیرشا درۆنییا بۆمبرێژكرى بۆ سه‌ر باره‌گایه‌كێ هێزێن پێشمه‌رگه‌یێ كوردستانێ دكه‌ن، كو ل ڕۆژا 31-12-2023ێ ل سنۆرێ پیرمام – هه‌ولێر ژلایێ گرۆپێن ژ قانوونێ ده‌ركه‌ڤتین هاته‌ كرن.

ئاماژه‌ ب هندێ ژى دا، سه‌قامگیرى، ئارامى و ئاسایشا هه‌رێما كوردستانێ، ئارامى و سه‌قامگێرییا عیراقێ و ده‌ڤه‌رێیه‌.

ئاشكرا ژى كر، وه‌زاره‌تا پێشمه‌رگه‌ى داخوازێ ژ حكومه‌تا عیراقێ و هه‌موو دوستێن خوه‌ ل هه‌ڤپه‌یمانییا نێڤده‌وله‌تی دكه‌ت بۆ ڕاگرتنا ئه‌وان هێرشێن نه‌به‌رپرس د پشته‌ڤان بن، كو دبنه‌ ئه‌گه‌رێ تێكدانا زێده‌تر یا هه‌رێما كوردستانێ و عیراقێ و ده‌ڤه‌رێ ب گشتى، ب زووترین ده‌م بكه‌رێن وى كارێ تیرۆرستى بهێنه‌ دیتن و بگه‌هنه‌ سزایێ خوه‌ یێ قانوونى.

دووپات ژى كر، هێزێن پێشمه‌رگه‌یێ كوردستانێ وه‌كو هه‌ر جار دێ به‌رسینگگرتنێن گونجاى بۆ پاراستنا ئه‌رد و ملله‌ت و مافێن خوه‌ هه‌بن.