بهرپرسهكێ بلندا ڤاتیكانێ ڕاگههاند، پێدڤییه كهنیسهیا كاسۆلیكى ب ڕژدى هزر د هندێدا بكهت كو ڕێ ب قهشهیان بدهت ههڤژینییێ پێكبینن.
چارلز سیكلۆنا شیرهتكارێ پاپا فرانسیس و هاریكارێ سكرتێرێ ئۆفیسا هزر و بیرێن ڤاتیكانێ بۆ ڕۆژنامهیا تایمز ڕاگههاند، ڕهنگه ئهڤه جارا ئێكێ بیت ب ئاشكرایى ڤێ ئاخڤتنێ بێژیت و دبیت بۆ هندهك كهسان یا نوو بیت.
ئاماژه ب هندێ ژى دا، پاپا فرانسیسى ههموو دهرفهت بۆ گوهۆرینا دهستههلاتا ڕۆمانى كاسۆلیكى ڕهتكرن، كو ئهوان قهشه پابهندكرینه ههڤژینییێ نهكهن، لێ ئهڤه د بیر و باوهرێ فهرمییێن كهنیسهیێدا نینن، ژبهر هندێ دشیاندایه ل پاشهرۆژێ ژلایێ پاپایانڤه بهێته گوهۆرین.
سیكلۆنا یێ 64 سالى كو ب لێكۆلینێ ل تاوانێن دهستدرێژییا سێكسى یێ بهرنیاسه دووپاتكر، ل دهستپێكا مێژوویا كلێسادا ڕێ ب قهشهیان هاتبوودان ههڤژینییێ پێكبینن، ئهڤرۆ ژى ل ڕێورهسمێن ڕۆژههلاتا كهنیسهیا كاسۆلیكی ڕێ پێ هاتییه دان.
