ئه‌ندامه‌كێ جڤاتا نوونه‌رێن عیراقێ ئاشكراكر، ناكۆكى دناڤ لایه‌نێن سوننیدا بۆ هه‌لبژارتنا سه‌رۆكێ نوو یێ جڤاتا نوونه‌ران د به‌رده‌وامبن، هه‌تا نوكه چ كه‌س بۆ وى پۆستی نه‌هاتینه هه‌لبژارتن، ژلایه‌كێ دیڤه ل دۆر پرۆژه‌یێ ده‌رخستنا هێزێن بیانى ژ عیراقێ گوت: ئه‌و پرۆژه‌یه سه‌ر ناگریت.
بریاره سوبه‌هى ده‌واما په‌رله‌مانێ عیراقێ ده‌ستپێبكه‌ت به‌رهه‌ڤى بۆ ڕوونشتنێن جڤاتا نوونه‌ران دێ هێنه‌كرن، چاڤه‌رێیه د ڕوونشتنا ئێكێیا پشتى بێهنڤه‌دانێدا دانوستاندن ل دۆر هه‌لبژارتنا سه‌رۆكێ نوو یێ په‌رله‌مانى بهێنه كرن، كو پێشتر سێ كه‌س بۆ ڤى پۆستى هاتبوونه پێشنیازكرن.
د. خالد ڕێكانى ئه‌ندامێ جڤاتا نوونه‌ران بۆ ئاژانسا خانى ئاشكراكر، ل دووڤ ڕێككه‌ڤتنێن سیاسى، پۆستێ سه‌رۆكێ په‌رله‌مانى بۆ لایه‌نێن سوننییه، لێ هه‌تا نوكه سوننه دناڤ خوه‌دا ل سه‌ر چ كه‌سان بۆ جهگرتنا محه‌مه‌د حه‌لبووسى ڕێكنه‌كه‌ڤتینه، ئه‌و چاڤه‌رێنه كه‌سه‌ك بهێته هه‌لبژارتن، ئه‌گه‌ر نه دێ دناڤ هۆلا په‌رله‌مانیدا ده‌رگه‌هێ خوه به‌ربژاركرنێ هێته ڤه‌كرن، لێ ئه‌و پۆسته هه‌ر بۆ لایه‌نێن سوننییه.
