ئه‌ڤرۆ دوشه‌مبی 2024/1/8 ێ” نێچيرڤان بارزانى، سه‌رۆكێ هه‌رێما كوردستانێ، د ديداره‌كا مالئاڤاهییێ دا ب هه‌لكه‌فتا ب دووماهی هاتنا ئه‌ركێ وی ل عێراقێ، سوپاسىیا ئێريك شۆڤاليێ، بالیۆزێ فره‌نسا ل عێراقێ كر بۆ كار و بزاڤێن وی ژ پێخه‌مه‌تی گرنگیدان ب په‌يوه‌ندييێن وه‌لاتێ وی ل گه‌ل عێراقێ و هه‌رێما كوردستانێ، هه‌روه‌سا هيڤییا سه‌ركه‌فتنێ د ئه‌ركێ وی یێ نوودا بۆ خواست.
هه‌ردو ئالییان ته‌كه‌ز ل سه‌ر خواستا دولايه‌نی بۆ گرنگیدان ب په‌يوه‌ندييان و دۆستايه‌تىیا فره‌نسا ل گه‌ڵ عێراقێ و هه‌رێما كوردستانێ كرییه، هه‌روه‌سا رۆناهی خسته سه‌ر په‌يوه‌ندييێن هه‌ولێر ـ به‌غدا و به‌رده‌واميىا گوتۆبێژان بۆ چاره‌سه‌ركرنا كێشێن دناڤبه‌را وان دا.
شۆڤاليێ سوپاس و پێزانين بۆ هاريكاريىا هه‌رێما كوردستانێ ل سه‌رخستنا ئه‌ركێ وی ل عێراقێ و هه‌رێما كوردستانێ ته‌كه‌زكر و هيڤی خواست هه‌مان هاريكارى ل گه‌ل باليۆزێ بهێت یێ فره‌نسا ل عێراقێ به‌رده‌وام بیت.
هه‌روه‌سا يان برێم كونسولێ گشتيىێ فره‌نسا ل هه‌رێما كوردستانێ یێ ئاماده بوو، به‌حسێ ره‌وشا ناڤخۆىا هه‌رێما كوردستانێ، ده‌ره‌نجامێن هه‌ڵبژارتنا جڤاتێن پارێزگه‌هان ل عێراقێ و ده‌ڤه‌رێن مادێ 140 و داوی پێشهاتێن ڕۆژهه‌لاتا ناڤین و ڤێ ده‌ڤه‌رێ ب گشتى كرن.
