ئهندامهكێ تیما كوردستانى عیراقییا ڕێكخراوا (CPT) یا ئهمریكى ڕاگههاند، ل سالا 2023ێ هێزێن توركیا زێدهتر ژ 1500 جاران هێرشى پارێزگههێن ههرێما كوردستانێ كرییه و دبێژیت: ژ ئهگهرێ وان هێرشان 11 وهلاتى شههیدبوون و 13ێن دیژى برینداربوون.
كامهران ئوسمان ئهندامێ تیما كوردستانى عیراقییا ڕێكخراوا (CPT) یا ئهمریكى دیاركر، ل سالا 2023ێ هێزێن توركیا هزار و 548 جاران هێرش و بۆردوومان بۆ سهر ئاخا ههرێما كوردستانێ و نهینهوا كرییه.
ئاشكرا ژى كر، 1159 هێرش ب ڕێیا فرۆكهیێن شهرى بوون، 228 هێرش ب ڕێیا درۆنان بوون، 114 هێرش ب ڕێیا تۆپبارانان بوون، سێ هێرش ب رێیا تهقهكرنێ و دوو ژى ب ڕێیا پهقاندنا مینان بوون.
سهبارهت بهلاڤبوونا هێرشان ل دووڤ پارێزگههێن ههرێما كوردستانێ دیاركر، ل پارێزگهها دهۆكێ 517 هێرش، ل ههولێرێ 475 هێرش، ل پارێزگهها سلێمانییێ 420 هێرش و ل پارێزگهها نهینهوا ژى 36 بۆردوومان و هێرش ههبوون.
