وه‌زیرێ ده‌رڤه‌ یێ بریتانیا ل دۆر هێرشا ل سه‌ر هه‌ولێرێ: ده‌ست درێژییه‌ بۆ سه‌روه‌رییا عیراقێ و ناهێته‌ قه‌بوولكرن

مه‌سرور بارزانى سه‌رۆكوه‌زیرێن هه‌رێما كوردستانێ ل كوربه‌ندێ داڤۆس دگه‌ل ده‌یڤد كامیرۆن وه‌زیرێ ده‌رڤه‌ یێ بریتانیا كۆمبوو، حكومه‌تا هه‌رێما كوردستانێ دیاركر، وه‌زیرێ ده‌رڤه‌ یێ بریتانیا ب توندى ئیدانه‌یا هێرشا ئیرانێ بۆ سه‌ر هه‌لێرێ كر، ب ده‌ست درێژی بۆ سه‌روه‌رییا عیراقێ هژمارت.

دڕاگه‌هاندنا حكومه‌تێدا هاتییه‌، وه‌زیرێ ده‌رڤه‌ یێ بریتانیا سه‌ره‌خۆشى و هه‌ڤخه‌مییا خوه‌ ب مه‌سرور بارزانى گه‌هاندن، ئه‌و هێرشه‌ ب تونده‌ى ئیدانه‌كر و گوت: چ بهانه‌یه‌ك بۆ وێ هێرشێ نینه‌، ده‌ست درێژییه‌ بۆ سه‌روه‌رییا عیراقێ و ناهێته‌ قه‌بوولكرن، سه‌رۆكێ حكومه‌تێ ژى سوپاسییا هه‌ڤخه‌مى و پشته‌ڤانییا بریتانیا كر.

هه‌روه‌سا هاتییه‌، هه‌ردوو لایه‌ن ل سه‌ر به‌رده‌وامبوونا هاریكارى و هه‌ماهه‌نگییێ بۆ ڕووبڕووبوونا تیرۆرستێن داعشێ و تیرۆرێ ب گشتى د هه‌ڤرابوون.