ل شهڤا دوشەمبی 15 ل سەر 16ی كانوونا دووێ 2024 ێ، سوپایێ پاسدارێن ئیرانێ ب مووشەکێن بالیستی، هێرش کرە سەر هەولێرا پایتەختێ کوردستانێ و سوپایێ پاسدارێن ئیرانێ بلهز بەرپرسیارهتییا وێ هێرشێ گرته ستووهێ خۆ و گۆت، مه بنگهههكێ هەوالگرییا ئیسرائیلێ کرییە ئارمانج” بهلێ دیاربوو وێ هێرشێ پەیوەندی ب ئەمریکا و ئیسرائیلێڤه نهبوو، بەلكو ئهو هێرشە بۆ سەر مالا پێشڕەو دزەیی بوو، كو بازرگانهكێ ناسیارێ کوردستانێ بوو، د وێ هێرشێ دا، ژینا یا ئێک سالی و ئەندامێن بنهمالا وی و ههڤالێ وی یێ بازرگان کەرەم میخائیلی گیانێ خۆ ژ دەست دا.
سەرۆکێ شیکاری یێ کۆمپانیا شیرهتکار یا جیۆپۆلەتیک TAM-C Solutions (سێنگ ساگنیچ) بۆ رۆژناما (نیو عەرەبی) راگەهاند: ”ئیرانێ پلانهكا بەردەوام دانایە، بۆ ب ئارمانجگرتنا تاکێ دەولەمەندێ کورد ل کوردستانێ.“
ئهو ژی گۆتییه: ”ئیرانێ دڤێت ڕێگرییێ ل پێشكهفتنا بازرگانی ل هەولێرێ بکهت و بازرگانێن وێ دهڤهرێ نهچار بکهت” كو خۆ ژ پەیوەندییێن بازرگانی دوور بگرن، كو ب ناکۆکی ل گەل بەرژەوەندییێن ئیرانێ هەست پێ دهێته كرن، وەکو هنارتنا گازا سروشتی و چهندین تشتێن دیتر.
