گوهدار شێخۆ: سوبه‌هى دێ مه‌زنترین خۆنیشاندان ل دژى هێرشا ئیرانێ بۆ سه‌ر هه‌ولێرێ ل زاخۆ ئه‌نجام ده‌ین

گوهدار شێخۆ سه‌ر‌په‌رشتێ ئیدارا سه‌ربه‌خۆیا زاخۆ هێرشا سوپایێ پاسدارێن ئیرانێ بۆ سه‌ر هه‌ولێرێ ب تیروریستى ب ناڤكر و گۆت : سوبه‌هى مه‌زنترین خونیشاندان وه‌ك نه‌رازیبوون ل دژى هێرشا ئیرانێ بۆ سه‌ر هه‌ولێرێ ل زاخۆ دێ ئه‌نجام ده‌ین و گه‌نج و لاو و پیر و هه‌موو ته‌خ و چینێن زاخۆ دێ پشكدارییێ د خۆنیشاندانێن به‌رفره‌هـ ل دژى هێرشا مووشه‌كى یا پاسدارێن ئیرانێ بۆ سه‌ر هه‌ولێرێ كه‌ین و دێ نه‌رازیبوونا خۆ ده‌ربرین.

 سه‌رپه‌رشتێ ئیدارا سه‌ربه‌خۆیا زاخۆ گۆت ژی: وان دڤێت ب رێیا خۆنیشاندانێ په‌یاما نه‌رازیبوونا خۆ ل دژى هێرشا سه‌ر هه‌ولێرێ ئاراسته‌یى جڤاكێ نێڤده‌وله‌تى و نه‌ته‌وێن ئێكگرتى بكه‌نن داكو ئێدی وه‌لاتییێن سڤیل یێن هه‌رێما كوردستانێ نه‌بنه‌ قوربانیێن ڤان جوره‌ هێرشێن بێ به‌هانه‌” هه‌روه‌سا گوهدار شێخۆیی” داخواز ژ هه‌موو وه‌لاتییان و بازرگانان كر بایكۆتا به‌رهه‌مێن ئیرانێ بكه‌ن و نه‌كرن و دیار كر” ئه‌و بزاڤان دكه‌ن ب به‌رهه‌مێن خۆمالى و وه‌لاتێن دى یێن ده‌ڤه‌رێ پێدڤیێن خه‌لكى دابین بكه‌ن.