<h3 style="text-align: justify;"><span style="font-size: 18pt;">ئه‌ندامه‌كا جڤاتا نوونه‌رێن عیراقێ ڕاگه‌هاند، وه‌زیرێ ناڤخۆ یێ عیراقێ ڕه‌زامه‌ندى ل سه‌ر ڤه‌كرنا ڕێڤه‌به‌رییه‌كا پاسپۆرتان ل شێخان دایه، ژلایه‌كێ دیڤه وان داخوازا زێده‌كرنا فه‌رمانبه‌ر و ئامیرێن ڕێڤه‌به‌رییا ڕه‌گه‌زنامه‌یێ ل شێخان كرییه.</span></h3> <h3 style="text-align: justify;"><span style="font-size: 18pt;">كاڤین شێخ سه‌عید ئه‌نداما جڤاتا نوونه‌رێن عیراقی بۆ ئاژانسا خانى دیاركر، به‌رى نوكه عه‌بدولئه‌میر ئه‌لشمه‌رى وه‌زیرێ ناڤخۆ یێ عیراقێ ڕه‌زامه‌ندى ل سه‌ر ڤه‌كرنا ڕێڤه‌به‌رییا پاسپۆرتان ل قه‌زا شێخان دابوو، ئه‌وان سه‌ره‌دانا ڕێڤه‌به‌رێ پاسپۆرتان ل به‌غدا كر و داخواز ژێ كر، له‌ز دڤه‌كرنا ڕێڤه‌به‌رییێدا بهێته‌كرن، ژبه‌ركو خه‌لكه‌ك یێ هه‌ى نه‌شێت بچیته جهێن دوور و پاسپۆرتان بۆ خوه ده‌ربێخیت، ل دووڤ ژمارا ئاكنجییێن قه‌زا شێخان، وان ماف هه‌یه ل سنۆرێ قه‌زایێ ڕێڤه‌به‌رییه‌ك بۆ بهێته ڤه‌كرن.</span></h3> <h3 style="text-align: justify;"><span style="font-size: 18pt;">ژلایه‌كێ كاڤین شێخ سه‌عیدێ ئاشكراكر، قه‌ره‌بالغه‌كا زێده ل ڕێڤه‌به‌رییا ڕه‌گه‌زنامه‌یا شێخانێ هه‌یه، كو ڕۆژانه خه‌له‌كه‌كێ زێده سه‌ره‌دانا ڕێڤه‌به‌رییێ دكه‌ت، به‌رامبه‌رى وێ ب تنێ چار فه‌رمانبه‌ر ده‌وامێ لێ دكه‌ن و مامه‌له‌یێن وه‌لاتییان گه‌له‌ك گیرو دبن و فشاره‌كا مه‌زن دكه‌ڤیته سه‌ر ڕێڤه‌به‌رییێ، له‌وما وان سه‌ره‌دانا لیوا نه‌شئه‌ت ئیبراهیم ئه‌لخه‌فاجى ڕێڤه‌به‌رێ گشتییێ ڕه‌گه‌زنامه‌یان ل به‌غدا كر و داخواز ژێ كر، ژماره‌یا فه‌رمانبه‌ران ل شێخان بۆ 10 فه‌رمانبه‌ران زێده‌بكه‌ن، هه‌روه‌سا ئامیره‌یێن كاركرنێ ژى زێده‌بكه‌ن، داكو قه‌ره‌بالغ كێمببیت و مامه‌له‌یێن وه‌لاتییان د ده‌مه‌كێ كورتدا بهێنه تمامكرن.</span></h3> <h3 style="text-align: justify;"><span style="font-size: 18pt;">هه‌روه‌سا ئاماژه ب هندێ دا، ئه‌وان ڕه‌زامه‌ندییا وه‌زیرێ په‌روه‌ردێ سه‌باره‌ت دابینكر مووچه‌یه‌كى بۆ وان قوتابییان وه‌رگرت، یێن كێم ده‌رامه‌ت و دایك و بابێن وان مووچه‌یێ چاڤدێرییا جڤاكییا ب سه‌ر مووسلڤه وه‌ردگرن.</span></h3>
