د. ئاراز عهبدال، سەرۆکێ تایێ دهۆکێ یێ سەندیکا نۆشدارێن کوردستانێ دیار کر، ژ ئەنجامێ کارێن دووڤچوونێ ل سەنتەرێ دهۆکێ دو کەس پشتی ل سوشیال میدیایێ خۆ وەکو تایبەتمەندێن جوانکارییێ داینە نیاسین و ل هندەک سەنتەرێن جوانکایریێ کارکری، رابووینە ب ئەنجامدانا هندەک کارێن جوانکارییێ بۆ خەلکی و پشتی لژنێن مە دووڤچوونەکا هوور بۆ کری دیاربوو کو ئەو ههردو کەسه بێی دەستووری و هەبوونا باوەرنامێن تایبەت وی کاری ئەنجام ددەن و هاتنە رەوانەکرن بۆ دادگەها دهۆکێ و جهێن وان هاتنە گرتن.
ناڤهاتی گۆت ژی: ئێک ژ وان خەلکێ باشوورێ عیراقێیە و ئێک ژی ژ دەرڤەیی عیراقێیە و وان ئەو کارە ئەنجامدایە” بهلێ پشتی هەموو بەلگە ب رێیا نوونەرێ مە یێ یاسایی و داواکارییا گشتی هاتینە کۆمکرن ئەو هەردو کەس هاتنە رەوانەکرن بۆ دادگەهێ و پێرابوونێن یاسایی دێ ژێ هێنە وەرگرتن.
سەرۆکێ تایێ دهۆکێ یێ سەندیکا نۆشدارێن کوردستانێ گۆت ژی، لژنێن وان بەردەوام دووڤچوونا هەمی کلینیکان و سەنتەرێن جوانکارییێ دکەن و هەر کەسێ ل دووڤ رێنمایان کارنەکەت دێ پێرابوون ل بەرامبەر هێنە وەرگرتن.
