ل سەلاحەددین سەرۆك مەسعود بارزانی ئەڤرۆ ڕۆژا چارشەمبی پێشوازی ل ستیڤن هیچن، بالیۆزێ بریتانیا ل عیراقێ کر.
د دیدارێدا بالیۆزێ بریتانیا دووبارە ل دۆر كارەساتا موشەك بارانی یا بێ بنەما بۆ سەر هەولێرێ كو ژ لایێ سوپایێ پاسدارێن ئیرانێ هاتیە ئەنجامدان، سەرەخۆشی ل سەرۆك بارزانی كر و هەلویستێ فەرمییێ حکومەتا بریتانیا بۆ سەرۆك بارزانی دیاركر كو دژی ئەڤان جۆرە كریاران ب تایبەت کو وەلاتییێن سڤیل و بێ تاوان بكەنە ئارمانج.
هەر د دیدارێدا ڕەوش و دووماهیك پێشهاتێن ئەمنی و سیاسی یێن دەڤەرێ و عیراقێ گۆتۆبێژكرن، هەروەسا دووپات ل ڕاستییا کارێن لژنا ڤەكۆلینێ كو ژ لایێ سەرۆكوەزیرێن عیراقێ هاتیە پێكئینان بۆ دویڤچوون و ڤەكۆلین و دەرئێخستنا ڕاستییێن ل سەر ڕوودانێ هاتەكرن.
سەرۆك بارزانی سوپاسییا هەلویستێ بالیۆز و حکومەتا بریتانیا کر و دووبارە دلگرانییا خۆ دیاركر ب ئەوان كارێن نەمرۆڤانە بەرامبەر وەلاتییێن هەرێما كوردستانێ دهێنەكرن و سوپاسی ل بزاڤێن محەمەد شیاع سودانی، سەرۆکوەزیرێن عیراقێ كر بۆ وەرگرتنا هەلویست و دویڤچوونا جددی ل سەر ئەڤێ پرسێ.
