ل سەر بڕیارا حكومەتا هەرێما كوردستانێ، وەزارەتا دارایی و ئابووری یا حكومەتا هەرێمێ بۆ سالا نوی دەست ب نۆیكرنا گرێبەستێن فەرمانبەران ل سازییێن حكومەتێ كر.
بەرپرسەكێ دارایی یێ وەزارەتا دارایی و ئابووری یا هەرێمێ ڕاگەهاند، ل سەر بڕیارا حكومەتا هەرێما كوردستانێ، وەزارەتا دارایی و ئابووری دەست ب نویكرنا گرێبەستێن فەرمانبەرێن گرێبەست ل سازییێن حكومی یێن هەرێمێ كر.
دیاركر ژی، نویكرنا گرێبەستان دێ بۆ دەمێ سالەكێ بیت، ئانكو هەر ژ 1/1/2024 هەتا 31/12/2024، مەرجێ نویكرنا گرێبەستێ ژی ئەو پێدڤییە فەرمانبەری چ مووچەیێن دی نەبن و ب شێوەیەكێ بەردوام دەوامێ بكەت.
لدویڤ زانیارییان، نێزیكی 29 هزار فەرمانبەرێن گرێبەست ل دامودەزگەهێن حكومی یێن هەرێما كوردستانێ دەوامێ دكەن.
