ئامانج ره‌حیم سكرتێرێ جڤاتا وه‌زیرێن هه‌رێما كوردستانێ ڕاگه‌هاند، ڕێككه‌ڤتنا ده‌ستپێكى دگه‌ل حكومه‌تا فیدرالى ل سه‌ر هه‌مواركرنا قانوونا بودجه‌ی هاتییه كرن، ئه‌و چاڤه‌رێنه دڤێ حه‌فتییێدا 618 ملیار دینارێن مووچه‌ى بهێنه هنارتن.
گوت ژى: چاڤه‌رێیه ڕوونشتنا دووێ یا پشتى هه‌لبژارتنا سه‌رۆكێ نوو یێ جڤاتا نوونه‌ران، یا تایبه‌ت بیت ب هه‌مواركرنا قانوونا بودجه‌ى، ئه‌و ئاسته‌نگێن دماده‌یدا هه‌ین و ڕێگرییێ ل هنارتنا شایسته‌یێن داراییێن هه‌رێمێ دكه‌ن، بهێنه لادان.
سكرتێرێ جڤاتا وه‌زیران ئاشكراكر، ئه‌و 618 ملیار دینارێن جڤاتا وه‌زیرێن فیدرالى بریار ل سه‌ر داى، دێ هێنه هنارتن، هه‌موو ڕێكارێن هنارتنا پاره‌ى تمامبووینه و نڤیسارا خه‌رجكرنێ ئاراسته‌یى وه‌زاره‌تا دارایى هاتییه كرن، لێ به‌غدا بخۆژى د خه‌رجكرا مووچه‌یێ خوه‌دا گیروبوویه، له‌وما ئه‌و چاڤه‌رێ دكه‌ن دڤێ حه‌فتییێدا 618 ملیار دینارێن مووچه‌یێ مووچه‌خۆرێن هه‌رێما كوردستانێ بهێنه ڕه‌وانه‌كرن.
