عه‌لی دۆله‌مه‌ری: باشترین میکانیزم بۆ خزمەتکرنا رەڤەندا کوردستانی ل وه‌لاتێن جیهانێ دێ بینین

ئاژانسا خانی:

نوونەرێ حکومەتا هەرێما کوردستانێ ل وه‌لاتێ فرەنسا دیاركر: د کۆنفرانسێ نوونەراتییێن حکومەتا هەرێما کوردستانێ بڕیار هاته‌دان باشترین میکانیزم بۆ خزمەتکرنا رەڤه‌ندا کوردستانی ل وه‌لاتێن جیهانێ بهێنه‌ دیتن.

عەلی دۆلەمەری، زێده‌تر گۆت، د کۆنفرانسێ نوونەراتییا حکومەتا هەرێما کوردستانێ دو تەوەرێن گه‌له‌ك گرنگ هاتنه‌ به‌حس کرن، ئێك ل گه‌ل فەرمانگەها پەیوەندییێن دەرڤه‌ یا حکومەتا هەرێما کوردستانێ و مه‌ بریار دا ” باشترین میکانیزم بۆ خزمەتکرنا وه‌لاتییێن خۆ ب بینین، ب تایبەتی رەڤەندا کوردستانی ل وه‌لاتێن جیهانێ، چونکی هژمارەكا زۆرا رەڤەندا کوردستانی ل دەرڤە دژین و پێدڤی ب خزمەتگوزارییان هەیە و د تەوەره‌كێ دیتر دا به‌حسێ پڕۆسا چاکسازییێ هاته‌ کرن، ب تایبەتی کاره‌كێ گه‌له‌ك باش د وێ پڕۆسێ دا هاتییه‌ کرن.