ل گۆرەی بەلگەنامەیەکێ کو د تۆرێن جڤاکی یێن ئیراقێ دا بەلاڤبوویە، ل پارێزگەها دیالە، گرانترین مههرکرن د دیرۆكا ئیراقێ دا هاتە ئیمزاکرن كو تێدا بیک و زاڤایەک ب مههرا پێشهكى 10 ملیار دیناران و یا پاشهكیێ ژى 20 ملیار دینارێن ئیراقى هاتینه مههركرن.
ئەڤ داخوازیە ل 31ى ههیڤا بووری ل دادگەها بارێ کەسایەتی یا بەعقووبە ل پارێزگەها دیالە هاتیە برێڤەبرن و ئیمزاکرن و نوکە بابەتێ سەرەکی یێ تۆرێن جڤاكی یە ل ئیراقێ و خەلکی بۆچوون و کۆمێنتێن جودا ل سەر نڤێساینە و ژمارەکا یاساناس و پارێزەران ژی نڤێسایە: “ئەڤە گرانترین داخوازا مههركرنێ یە د دیرۆكا ئیراقێ دا هاتبیتە تۆمارکرن”.
هێشتا دادگەها بارێ کەسایەتی یا بەعقووبە چ رۆهنکرن دەربارەی بابەتی بەلاڤ نەکرینە، زێدەباری کو ناڤ و ئیمزایێن دادوەری و پارێزەری ژی ل سەر بهلگهنامهیا مههركرنێ هەنە.
