عیماد جهمیل سهرۆكێ تیما ڕۆژنامهڤانییا كۆمیسیۆنا ههلبژارتنێن عیراقێ ڕاگههاند، بریاره دههیڤا گۆلانا ئهڤسالهدا ڕۆژهك بۆ ههلبژارتنێن پهرلهمانێ كوردستانی بهێته دیاركرن، لێ ههتا نوكه چ تشتێ فهرمى نینه.
عیماد جهمیلى د داخویانییێن ڕۆژنامهڤانیدا دیاركر، ههلبژارتن دێ دناڤبهرا 19 بۆ 30 گۆلانێدا هێنهكرن، سێ ملیۆن و 789 هزار و 630 دهنگدهر ل ههرێما كوردستانێ ههنه، لێ ههتا نوكه دوو ملیۆن و 787 هزار و 689 كهسان كارتا بایۆمهترى دهركرییه و دشێن پشكدارییێ د دهنگدانێدا بكهن.
ل دووڤ ئامارێن كۆمیسیۆنێ، ل دهۆكێ 926 هزار و 746 دهنگدهر ههنه، ژ وێ ژمارهیێ 710 هزار و 78 كهسان كارتا بایۆمهترى ههیه، 216 هزار و 659 كهسان ئهو كارته نینه.
