گەلەك ئەگەر هەنە كو ناهێلن مرۆڤ قەلەو ببیت ئەگەر چەند خوارنێ بخۆت، ژوان:
1- ئەگەرێن بوماوەیی: هندەك كەس ئەگەر گەلەك خوارنێ ژی بخون، ب ئەگەرێن بۆماوەیی كێمتر تووشی زێدەبوونا كێشا لەشی دبن.
2- چالاكی: ئەو كەسێن ب ڕەنگەكێ ڕێكخستی چالاكییان د ڕۆژا خۆ دا ئەنجامددەن، كالۆرییێن لەشێ وان باشتر دهێنە سووتن و دبیتە ئەگەر لەشێ وان قەلەو نەبیت.
3- سیستەمێ خوارنێ: ئەو كەسێن سیستەمێ خوارنا وان یێ ساخلەم ئەگەرێ توشبوونا وان ب قەلەوییێ یێ لاوازە.
4- ڕێكخستنا هۆرموونان: هندەك هۆرمون هەنە كارتێكرنێ ل سەر زێدەبوونا كێشا لەشی دكەن، لەوما ئەو كەسێن هۆرمونێن وان د ڕێكخستی بن كێمتر تووشی قەلەوییێ دبن.
5- كۆنتڕۆلكرنا شەهییێ: هندەك كەس دشێن شەهییا خۆ كۆنتڕۆلبكەن و ئەڤە ژی ڕێگرییێ ل خوارنا ڕێژەیەكا مەزن یا خوارنێ دكەت.
6- ساخلەمییا سیستەمێ هەرسكرنێ: سیستەمێ هەرسكرنێ یێ هندەك كەسان ماددێن خۆراكی یێن دناڤ خوارنێ دا باشتر دمێژیت و ئەڤە دبیتە ئەگەر دوهن دناڤا لەشی دا كۆم نەبن.
7- فشارێن دەروونی: تێكچوون و فشارێن دەروونی كارتێكرنێ ل سەر كێشا لەشێ مرۆڤی دكەن و كەسێن تووشی ڤان كێشەیان نەبن دشێن كۆنتڕۆلا كێشا لەشێ خۆ بكەن.
