ئاژانسا خانی:
كاروان ستوونی” پهیڤدارێ رێڤهبهرییا گشتییا حهج و عومرێ ل ههرێما كوردستانێ” بۆ ئاژانسا خانی دیار كر: رێڤهبهرییا گشتییا حهج و عومرێ ل ههرێما كوردستانێ یا سهر ب وهزارهتا ئهوقافێ و كاروبارێن ئایینی ههموو بزاڤ كرینه داكو باشترین خزمهتگوزاری و ئاسانكارییان پێشكێشی حهجی و عومڕهكارێن ههرێما كوردستانێ بكهت” د ههمان دهمدا مه ههماههنگییهكا باش ل گهل دهستهیا بلندا حهج و عومرا عیراقێ ههیه” ئهم شییاین پارێ حهجییێن ئهڤ ساله ب دینارێ عیراقی وهربگرین ل سهر بنهمایێ بهایێ دۆلاری” ئهو ژی 132 هزار دینارێن عیراقی بۆ ههر 100 دۆلارێن ئهمریكی” ههروهسا سوبههی ئێكشهمبی” 11/2/2024 ێ دێ دهست ب وهرگرتنا پارێن حهجیان هێته كرن و بۆ دهمێ حهفتییهكێ دێ بهردهوام بیت و ل 18/2/2024 ێ” دێ ب دووماهی هێت و ههر كهسێ د وی دهمی دا پارێ حهجێ نهدهت مافی حهجكرنێ نامینیت.
ناڤهاتی گۆت ژی: ئهم ئاگههدارییا وان كهسان دكهین یێن كو بۆ ئهڤ ساله ناڤێن وان بۆ سهفهرا حهجێ دهركهفتین” بلا ب رێیا نڤێسینگههێن حهج و عومرێ یێن ههرێما كوردستانێ ل پارێزگهھێن ( ههولێر” سلێمانی و دهۆك و ههلهبجه) و ئیدارێن سهربهخۆ یێن ( سۆران و راپهرین و زاخۆ و گهرمیان) دهست ب وهرگرتنا پارێ حهجیان بكهن ل دهمێ دهواما فهرمیدا” ههروهسا ئهوێن بێ پاسپۆرت و ئهوێن پاسپۆرتێن وان ب سهرڤهچووین ب زووترین دهم پاسپۆرتێن خۆ چێكهن” چونكی ههكه چێنهكهن وان مافێ حهجكرنێ نامینیت.
كاروان ستوونی دیار كر ژی: تێچوویێ حهجێ یێ حهجیێن ههرێما كوردستانێ ههمان تێچوویێ حهجیێن عیراقییه” كو بۆ گهشتا ئهسمانی ب فرۆكێ” شهش ملیۆن و سێسهد و پێنجی هزار دینارێن عیراقینه و بۆ گهشتا هشكاتی ب پاسێ پێنج ملیۆن و سێسهد هزار دینارێن عیراقینه و ههر كهسهكێ مامهلێن خۆ تهمام بكهت و پارهیی بدهت و پاشی ب ههر بههانهیهكێ بیت ئهو پاره لێ ناهێته ڤهگهراندن.
