وەزارەتن خواندنا بلند و ڤەکۆلینێن زانستى و وەزارەتا ساخلەمیێ، دچارچووڤێ یاسا ژمارە 1 یا سالا 2020 بۆ بەرهنگاربوونا ماددەیێن هۆشبەر و کارتێکەرێن عەقلی دێ کاردکەن بۆ گرتنەبەرا ڕێکێن بەرهنگاربوونا ماددەیێن هۆشبەر و ئەنجامدانا هەوێن هەڤپشکێن هۆشیارى و زانستى ل هەرێما کوردستانێ.
ئەڤڕۆ سێشەمب ڕێکەفتی (2024/2/13) ب سەرپەرشتیا هەرئێک ژ (د. سامان بەرزنجی) وەزیرێ ساخلەمیێ و (د. ئارام محمد قادر) وەزیرێ خواندنا بلند، کۆمبوونەکا هەڤپشک یا هەردو وەزارەتان دەربارەى هەولێن وان بۆ بەرهنگاربوونا ماددێن هۆشبەر گەنگەشەکرن.
د کۆمبوونێ دا وەزیرێ ساخلەمیێ پوختەیەک ل ڕێکارێن بجهئینانا یاسایا ناڤبری بەرچاڤکرن.
وەزیرێ خواندنا بلند دەستخۆشى ل هەولێن وەزارەتا ساخلەمیێ کر و بڕیاردا بۆ بەرهنگاربوونا ماددەیین هۆشبەر و دانانا نەخشە ڕێیەکا کارکرنا تایبەت بۆ بەرهنگاربوونا ماددێن هۆشبەر، کۆنفرانسەکێ بەرفرەهـ و هەڤپشک ئەنجام بدەن تایبەت ب بەلاڤکرنا هۆشیاریا گشتى و سازدانا هەڵمەتەکا نیشتمانى یا مەترسیێن ب کارئینانا ماددەیێن هۆشبەر و ئەنجامدانا کۆنفڕانسەکێ زانستی و ئەکادیمی یێ ڤەکۆلینان د ڤی واری دا ل هەرێما کوردستانێ.
