1- خوارنێن گران: خوارنێن گران نێزیكی دەمێ نڤستنێ ب دروستی ناهێتە هەرسكرن و ئەڤە ژی دبیتە ئەگەر تو ب ئارامی نە نڤی.
2- بكارئینانا ئامیرێن ئەلكترۆنی: ڕۆناهییا شین یا مۆبایل و تابلێت و كۆمپیۆتەران، كارتێكرن ل سەر بەرهەمئینانا میلاتۆنینی هەیە دناڤ لەشی دا كو هۆرمونەكێ هاندەرە بۆ نڤستنێ. لەوما ب لایەنێ كێم دەمژمێرەكێ بەری نڤستنێ دویر بكەڤە ژ بكارئینانا ئامیرێن ئەلكترۆنی.
3- ڤەخوارنا كافایین و ڤەخوارنێن ووزێ: كافایین دبیتە ئەگەرێ تێكدانا شێوازێ نڤستنێ، لەوما باشتر ئەوە چەند دەمژمێران بەری نڤستنێ دویر بكەڤی ژ ڤەخوارنێن كافایینی وەكو چا و قەهوە و ڤەخوارنێن ووزێ.
4- ئەنجامدانا چالاكییێن وەرزشی: چالاكییێن لەشی یێن گران بەری نڤستنێ دبنە ئەگەرێ زێدەكرنا لێدانێن دلی و بلندكرنا پلەیا گەرمییا لەشی، ئەڤە ژی دبیتە ئەگەر مرۆڤ ئارامییێ ژ خەوا خۆ نەبینیت.
5- درەنگ كاركرن یان فشارا كاری: پشكداریكرن د چالاكییێن گرێدای ب كاری ڤە یان سترێسبوون ب ئەگەرێ كاری ڕاستەوخۆ بەری نڤستنێ، دبیتە ئەگەر دوودلی زێدە ببیت و خەوا مرۆڤی نەهێت.
6- خشتەیێ خەوێ یێ نە ڕێكخستی: شێوازێ خەوێ یێ نەڕێكخستی، وەكو نڤستن و هشیاربوونا ژ خەوێ د دەمێن جیاوازدا، شێوازێن سرۆشتی یێن ڕۆژانە یێن لەشی تێكددەت.
7- شكاندنا خەوێ د ڕۆژێ دا: خەوا كۆرت گەلەك مفایێن خۆ هەنە، لێ نڤستن د دەمەكێ نێزیكدا بۆ دەمێ نڤستنا شەڤێ دبیتە ئەگەرێ تێكچوونا خەوێ.
8- پشتگوهخستنا ژینگەها خەوێ: ژینگەهەكا گونجای بۆ نڤستنێ و بێهنڤەدانەكا باش گەلەك یا گرنگە، لەوما پێدڤییە ژۆرا نڤستنێ یا تاڕی، بێدەنگ و فێنك بیت.
