رەجەب تەیب ئەردۆگان، سەرۆککۆمارێ تورکیا د کۆنفرانسەكێ ڕۆژنامەڤانیدا باس ل پەیوەندییێن توركیا و هەرێما كوردستانێ كر و ڕاگەهاند، د بەرهنگاربوونا تیرۆرێ دا ئەو لەزاتییا مە ب دەستڤەئینای بەرەف پێنگاڤەكا ئەرێنێ دچیت، بەلێ سلێمانی، ئانكۆ سەركردایەتییا ئێكەتییێ ناهێلیت، سەرەڕای كو مە چەندین جاران هۆشداری دایێ، بەلێ ب لێبوورینڤە بەردەوام پشتەڤانییا پەکەکە و یەپەگە و پەیەدە دكەت.
سەرۆککۆمارێ تورکیا د ئاخفتنا خۆ دا گۆت ژی:” بلا چ كهس چاڤهڕێ ههلویستهكێ جوداتر ژ مه نهبیت و چ یا پێدڤى بیت دێ كهین، ئەم نەشێن ئەڤی بابەتی پشتگوهـ بهاڤێژین و ئەو پێنگاڤێن پێدڤی دێ گرینەبەر و دێ د بەردەوام ژی بین”.
هەروەسا دیاركر، دبیت گەلەك بابەت بهێنە گرتن بەلێ دەمێ بابەت ئاسایشا وەلاتی بیت، دەرگەهێ لێبورینێ دێ هێتەگرتن و یا پێدڤی بیت دێ كەین، ئەگەر ئارمانج ژی دژایەتییا مە بیت بێگومان بۆ ئەڤێ چەندێ ژی دێ مە كارڤەدان و ڕێكارێن پێدڤی هەبن.
