سهرۆكێ ههرێما كوردستانێ و شیرهتكارهكێ مهزن یێ جۆ بایدنی” سهرۆكێ ئهمریكا بهحسێ هنارتنا نهفتا ههرێما كوردستانێ كر.
ئهڤرۆ شهمبییێ 17 ی شواتا 2024 ێ” سهرۆك نێچیرڤان بارزانى د كۆنفرانسێ ئاسایشا میۆنشن دا ل گهل ئامۆس هۆكستاین مهزنه شیرهتكارێ جۆ بایدنێ سهرۆكێ ئهمریكا بۆ كاروبارێن وزێ و وهبهرهێنانێ كۆمبوو.
د وێ كۆمبوونێ دا، پهیوهندییێن ئهمریكا ل گهل عیراقێ و ههرێما كوردستانێ ب تایبهتى د وارێ ئابوورى و هاریكارییا وزێ و وهبهرهێنانێ دا، دووماهی رێكار و گاڤێن هنارتنا نهفتا ههرێما كوردستانێ و دانوستاندنێن لایهنێن پهیوهندیدارێن حكومهتا ههرێما كوردستانێ و حكومهتا فیدرالى د ڤى وارى دا هاتنه بهحسكرن.
هۆكستاینی گۆت” ئهمریكا ب گرنگى ڤه بهرێ خۆ ددهته ئارامى و سهقامگیریا عیراقێ و ههرێما كوردستانێ و دخوازیت د كهرتێن ئابوورى و وهبهرهێنانێ و وزێ دا دهلیڤه و هاریكارییا ههڤپشك پێشڤه ببهت، ههروهسا پێگیرییا ئهمریكا ب بهردهوامییا پشتهڤانى و هاریكارییا عیراقێ و ههرێما كوردستانێ تهكهز كر.
پهیوهندییێن ههولێر و بهغدا، رهوشا ئهمنییا عیراقێ و ههرێما كوردستانێ و گهفێن ل سهر هێزێن ههڤپهیمانان و دبلۆماتكاران ل عیراقێ و كارتێكرنێن ئالۆزی یێن رۆژههلاتا ناڤین ب گشتی تهوهرێن دیتر یێن وێ كۆمبوونێ بوون.
