ئه‌ڤرۆ شه‌مبییێ 17-2-2024 ێ” نێچیرڤان بارزانى، سه‌رۆكێ هه‌رێما كوردستانێ ل گه‌ل ده‌یڤید كامیرۆن، وه‌زیرێ ده‌رڤه یێ بریتانییا كۆمبوو.
د وێ كۆمبوونێ دا پێشهات و ئاسته‌نگێن ل هه‌مبه‌رى ئێمناهییێ ل عیراق و رۆژهه‌لاتا ناڤین، دانوستاندنێن هه‌ولێر و به‌غدا بۆ چاره‌سه‌ركرنا كێشان، هه‌لبژارتن و ره‌وشا ناڤخۆ یا هه‌رێما كوردستانێ به‌حسكرن.
هه‌ردو ئالییان دیتنێن خۆ ل سه‌ر پێشهاتێن ئێمناهییێ و ئارمانجكرنا هێزێن هه‌ڤپه‌یمانان ل عیراقێ و كارڤه‌دان، شه‌ڕ و ئالۆزیێن ل غه‌زه و نه‌ئارامییا رۆژهه‌لاتا ناڤین ژى به‌حسكرن.
د ڤى وارى دا ته‌كه‌زی ل سه‌ر هندی كر كو ئالۆزى زێده‌تر مه‌زن نه‌بن” ژبه‌ركو مه‌ترسى و گه‌فێن جددى ل سه‌ر سه‌قامگیرییا ده‌ڤه‌رێ دروست دكه‌ن.
هه‌روه‌سا هاریكارییا هه‌ڤپشكا بریتانییا و هه‌ڤپه‌یمانییا نێڤده‌وله‌تى ل گه‌ل عیراقێ و هه‌رێما كوردستانێ، ره‌وشا ئێمناهى و سیاسییا عێراقێ و هه‌رێما كوردستانێ، مه‌ترسیین داعشێ ل سه‌ر عیراق و سوورییێ و بابه‌تێ كۆچكرنا نه‌قانوونى ژى هاتنه به‌حسكرن.
وه‌زیرێ ده‌رڤه یێ بریتانیا پابه‌ندییا وه‌لاتێ خۆ بۆ به‌رده‌وامیدان ب هاریكارى و پشته‌ڤانییا عیراقێ و هه‌رێما كوردستانێ ته‌كه‌ز كر، سه‌رۆكێ هه‌رێما كوردستانێ ژى سوپاسییا هه‌لوی‌ستێ بریتانییا ل هه‌مبه‌رى عیراقێ و هه‌رێما كوردستانێ كر.
