ئه‌ڤرۆ شه‌مبییێ 17 ی شواتا 2024 ێ” ل میۆنشن نێچیرڤان بارزانى، سه‌رۆكێ هه‌رێما كوردستانێ و عه‌بدوللـه‌تیف بن راشد ئه‌لزه‌ییانى، وه‌زیرێ ده‌رڤه یێ به‌حره‌ینێ كۆمبوون.
د وێ كۆمبوونێ دا مه‌ترسى و ئاسته‌نگێن هه‌مبه‌رى ئارامى و سه‌قامگێرییا رۆژهه‌لاتا ناڤین به‌حسكرن كو ژ ئه‌نجامێ شه‌ڕێ ل غه‌زه ئه‌و مه‌ترسى په‌یدا بووینه، د ڤى وارى دا ته‌كه‌زی ل سه‌ر پێدڤییا بزاڤان ل سه‌ر ئاستێ ده‌ڤه‌رێ و نێڤده‌وله‌تى بۆ پاراستنا سه‌قامگێرییێ كرن.
د ته‌وه‌ره‌كێ دیتر یێ كۆمبوونێ دا خواستا هه‌ڤپشك بۆ به‌رده‌ومیدان ب په‌یوه‌ندیێن به‌حره‌ینێ ل گه‌ل عیراقێ و هه‌رێما كوردستانێ، به‌ر‌فره‌هكرنا هاریكارییا هه‌ڤپشك د ناڤبه‌را هه‌رد و ئالییان دا ده‌ربڕى، د ڤى وارى ژى دا رۆناهى خسته سه‌ر وان ده‌لیڤه و وارێن د ناڤبه‌را هه‌ر دو ئالیان دا هه‌یى كو كار ل سه‌ر بهێته كرن.
ره‌وشا عیراقێ و هه‌رێما كوردستانێ و مه‌ترسییێن تیرۆرێ ل ده‌ڤه‌رێ ته‌وه‌ره‌كێ دیتر یێ وێ كۆمبوونێ بوو.
