نێچیرڤان بارزانى جێگرێ سهرۆكێ پارتى دیموكراتى كوردستان ب ههلكهڤتا 71 سالییا دامهزراندنا ئێكهتییا قوتابییێن كوردستانێ دیاركر، جهێ شانازییا وییه كو ل دهمهكى دناڤ ڕێزێن ئێكهتییا قوتابییێن كوردستانێدا كاركرییه، دگهل كۆمهكا ههڤپول و ههڤكار و ههڤالێن خوه یێن قوتابی، خزمهتا ئارمانجێن ئهوێ ڕێكخراوا پیشهنگ كرییه.
دهقێ پهیاما نێچیرڤان بارزانى بۆ ئێكهتییا قوتابییێن كوردستانێ:
ب گهرمى 71 سالییا دامهزراندنا ئێكهتییا قوتابییێن كوردستانێ ل بهرێزان سكرتێر و ئهندامێن سكرتارییهتێ و لقێن وێ و ههموو ئهندام و لایهنگرێن ئێكهتییا پیشهنگ دكهم، هیڤیدارن ههردهم د سهركهڤتن و پێشكهڤتنێدابن.
جهێ شانازییا منه كو ل دهمهكى من دناڤ ڕێزێن ئێكهتییا قوتابییێن كوردستانێدا كاركرییه، دگهل كۆمهكا ههڤپول و ههڤكار و ههڤالێن خوه یێن قوتابی، خزمهتا ئارمانجێن ئهوێ ڕێكخراوا پیشهنگ كرییه، ب ڕێز و پێزانینڤه تهماشهى خهبات و تێكوشانا ئێكهتییا قوتابییێن كوردستانێ ل ههموو سهردهمان دكهین، كو ههردهم وهكو قوتابخانهیهكا پێگههاندنا سهركرده و كادرێن پێشكهڤتى بوویه.
دڤێ ههلكهڤتێدا دووپاتییێ ل ڕۆلێ ئێكهتییا قوتابییێن كوردستانێ بۆ پێشڤهبرنا كارێ ڕێكخراوهیى و پاراستنا مافێن قوتابییان و گرنگیدان ب زانست و فێربوونێ و پهروهردهیهكا دروست دكهین، كو ببیته بنهمایێ پاشهرۆژهكا باشتر و كۆمهلگهها وهلاتهكێ پێشكهڤتى، بۆ ڤێ ژى مه باوهرى ب قوتابییێن كوردستانێ و شیانێن وان ههیه و ههموو پشتهڤانییا خوه بۆ وان دووپات دكهین.
دڤێ ههلكهڤتێدا، ههموو شههیدێن ئێكهتییا قوتابییێن كوردستانێ و تماما شههیدێن كوردستانێ ل بیر دئینین و سلاڤ ل گیانێ وان یێ پاقژ بن.
نێچیرڤان بارزانى
18-2-2024ێ
