ئاژانسا خانی:
سەرۆکێ دەستەیا وەبەرھێنانێ ل ھەرێما کوردستانێ دیار كر: بڕیار هاتییه‌دان یەکەیێن ئاكنجیبوونێ ل ھەرێما کوردستانێ بهێنه تاپۆ كرن و ئه‌و بریاره دو حه‌فتی یێن دی دێ هێته بجهئینان.
د. محەمەد شوکری، زێده‌تر بۆ ئاژانسا خانی گۆت: بریار هاتییه دان هه‌موو یەکەیێن ئاكنجیبوونێ یێن وەکو شوقە و خانی و ڤله‌یان ل هه‌موو باژێرێن ھەرێما کوردستانێ ل سه‌ر خودانێن وان بهێنه تاپۆ کرن” لدووڤ وان داتایێن لبه‌ر ده‌ستێ مه” نوكه ل ھەرێما کوردستانێ ٢٢٨ھزار و ٨٥٩ یەکەیێن ئاكنجیبوونێ یێن نه تاپۆکری هەنە و ئه‌و یه‌كه‌یه دێ بۆ وان هێنه تاپۆ کرن.
ناڤهاتی گۆت ژی: ئەو یەکه‌یێن د چارچۆڤێ پڕۆژێن دەستەیا وەبەرھێنانێ هاتینه دروست کرن و گرێبەست بۆ هاتینه کرن د تاپۆكری نینن، مه دڤێت ئەوان ل سەر ناڤێن خودانێن وان تاپۆ بكه‌ین” تاپۆکرنا ئەوان یەکه‌یێن ئاكنجیبوونێ وەکو ھاندانه‌كێ یه بۆ وەبەرھێنەران داكو ب ڤێ رێكێ بشێن پتر ڤه‌ژاندنێ د كه‌رتێ وەبەرھێنانێ دا بكه‌ن، بۆیە ئەو بڕیارە دێ کارگەهان و پڕۆژێن پیشەسازی و ئاكنجیبوونێ ژی ڤه‌گریت.
