ئاژانسا خانی:
سەرۆکێ پەیمانگەها لێکۆلینێن ئەمریکی _ کوردی دیارکر: ئەمریکا ب گرنگیڤە بەرێخۆ ددەتە هەرێما کوردستانێ، هەروەسا ئەمریکا هەرێما کوردستانێ ب هەڤپشکا خۆ یا ستراتیژی دبینیت و بکارئینانا چەمکێ کوردستانەکا بهێز ژ لایێ ئەنتۆنی بلینکنیڤە” وه‌زیرێ ده‌رڤه‌یێ ئه‌مریكا، بەلگەیە ل سەر هندێ، کو هەرێما کوردستانێ ئەو دەڤەرە یاکو جهێ باوەرییا ئەمریکا.
کارۆخ خۆشناو زێدەتر بۆ ئاژانسا خانی دبێژیت: ئەمریکا پێگەهێ جیۆپۆلیتیکییێ هەرێما کوردستانێ ب گرنگ دزانیت، لەوما د ئاستەکێ بلند دا پێشوازی ل سەرۆکێ حکومەتا هەرێما کوردستانێ کر ل ئه‌مریكا، هه‌روه‌سا بکارئینانا هێزا نەرم یان دبلۆماسییەتێ وەکرییە، كو ئەو نیگەرانییا هەیی نەمینیت، یاکو کۆمەکا لایەنان ب تایبەتی ل دادگەها فیدرالی دڤێت هەرێما کوردستانێ ل “قالبی” بدەن” یان قەوارێ هەرێما کوردستانێ سنووردار بکەن، بەلێ سەرەدانا سەرۆکێ حکومەتێ بۆ ئەمریکا و داڤۆس و سەرەدانێن سەرۆکێ هەرێما كوردستانێ بۆ میونشن، ئەو ئاسته‌نگ نەهێلان.
ناڤهاتی ئه‌و ژی گۆت: گرنگییا هەرێما کوردستانێ بۆ ئەمریکا بۆ چار خالان ڤەدگەریت، یا ئێکێ پێگەهێ هەرێما کوردستانێ ژ روویێ سیاسی و دبلۆماسی ڤه، یا دووێ ئاستێ ئابووری و وزێ، یا سێیێ ئاستێ بەرقراربوونا ئاساییشێ و بەرهنگاربوونا تیرۆرێ، چونکی هەرێما کوردستانێ سەلماندییە، كو هه‌رێمێ ژ پێش جیهانا ئازادڤه شەرێ تیرۆرێ دکەت، یا چارێ ژی رێزگرتنە ل بهایێن وێ یێن بلند، ئەڤە ژی لدەف ئەمریکا و جڤاکێ نێڤدەولەتی د گرنگن وەکو مافێ مرۆڤی، دیموکراسی و پێگەهێ پێکڤە ژیانێ ل كوردستانێ.
كارۆخی ئەو چەند ژی گۆت: هەرێما کوردستانێ باوەرییەکا بلند ژ لایێ جڤاکێ نێڤدەولەتیڤە هه‌یه، هەروەسا بکارئینانا چەمکێ کوردستانەکا بهێز ژ لایێ ئەنتۆنی بلینکنیڤە، بەلگەیە ل سەر هندێ کو هەرێما کوردستانێ ئەو دەڤەرە یاکو ئەمریکا باوەری پێ هەیی، د ئاییندەیی ژی دا دێ وەکو هەڤپشکەکا ستراتیژییا ئەمریکا مینیت.
