سەرۆك مەسعود بارزانی ب هەلكەفتا سالڤهگهرا سهرهلدانا گهلێ كوردستانێ پەیامەك بهلاڤكر و گۆت: پێدڤییە دەستكەفت و ئارمانج و بهایێن ڕاپەرینێ ب بلندی بمینن و بپارێزین و بهێنە بهێزتركرن.
دەقێ پەیاما سەرۆك بارزانی:
بناڤێ خودایێ مەزن و دلۆڤان
ب هەلكەفتا بیرەوەرییا سیهـ و سێیەمین سالڤەگەرا سەرهلدانا گەلێ كوردستانێ پیرۆزباهییێ ل خێزانێن سەربەرزێن شەهیدان و پێشمەرگێن قەهرەمان و هەمی نشتیمانپەروەر و تێكۆشەر و ئازادیخوازان و سەرجەم خەلكێ كوردستانێ دكەم.
سەرهلدان بەردەوامییا خەباتا ب دەهان سالا و بەرهەمێ خۆڕاگری و ماندیبوون و خوینا جەماوەری و هێزێن خەباتگێڕێن كوردستانێ بوو و بوویە دەستپێكەك و ئومێدەكا نوی د ژیانا گەلێ مە دا. ڕابوونا خەلكی ب دژی سازییێن ستەمكار و داگیركار پەیامەكا ڕوون بوو كو سەرەڕای بهێزییا داگیركاران، ئیرادەیا ژیانا سەربەرزانە و ئازادیخواز هەردەم د ناخێ مرۆڤێ كوردستانی دا هەبوویە و دێ هەر مینیت.
دەستكەفتێن سەرهلدانێ مۆلكێ گەلێ كوردستانێ و نفشێن داهاتینە. د یادا سەرهلدانا گەلێ كوردستانێ دا دۆپاتییێ ل وێ یەكێ دكەین كو پێدڤییە دەستكەفت و ئارمانج و بهایێن سەرهلدانێ ب بلندی بمینن و بپارێزین و بهێنە بهێزتركرن. نابیت د چ ڕەوش و ل ژێر چ گوشارەكێ بهێنە ژبیركرن و شێواندن.
سلاڤ ل گیانێ پاك یێ شەهیدێن سەرهلدانێ و هەمی شەهیدێن ڕێیا ڕزگاریخوازا كوردستانێ
