سهرۆكێ ئێكهتییا زانایێن كوردستانێ لقێ دهۆكێ ڕاگههاند، ل سهر چ كهسان ئهرك نینه عومرهكێ بكهت، دڤى دهمیدا یێ زكێ ههژارهكى تێربكهت، دێ بۆ وى ژ چوونا عومرهكێ ب خێرتێر بیت، مهرهم ژ ههیڤا ڕهمهزانێ، ههستكرن ب مرۆڤێن ههژاره.
د. جیهاد دوسكى سهرۆكێ ئێكهتییا زانایێن كوردستانێ لقێ دهۆكێ بۆ ئاژانسا خانى دیاركر، ئهو كهسێن ل ههیڤا ڕهمهزانێ دچنه عومرێ و پارهكێ مهزن ل وێرێ خهردجهن، ئهگهر ل مالێن خوه بمینن و خزمهتا كهسوكار و خهلكێ وهلاتێ خوه بكهن دێ بۆ وان ب خێرتر بیت.
ئاماژه ب هندێ ژى دا، ڕاسته خێرا عومرێ ل ههیڤا ڕهمهزانێ گهلهك یا مهزنه، لێ ژبهر قهیرانا دارایى و ڕهوشا خرابا خهلكى، ئهگهر كهسێن پێچێبووى ل شوونا پارهى بدهنه كۆمپانییان و بچنه ژ دهرڤه ب مهزێخن، دهستێ هاریكارییێ بۆ ههژاران درێژبكهن و خزمهتا وان بكهت دێ باشتر بیت، ب تایبهت دڤى دهمیدا تێركرنا زكێ ههژارهكى ژ چوونا عومرێ ب خێرتره.
