<h3></h3> <h3>ئاژانسا خانی:</h3> <h3></h3> <h3>هاریكارێ پارێزگارێ نهینهوا دیار كر: پشتی كو رازیبوون بۆ ڤهکرنا زانکۆیا شنگالێ هاتییه دان، نوكه ئهدر بۆ هاتییه تەرخان کرن و دەست ب رێکارێن دروستکرنا وێ زانکۆیێ هاتینه کرن و بۆ چیكرنا وێ زانكۆیێ ژی دڤێت نێزیكی 250_300 دۆنهمێن ئهردی بۆ بهێنه تهرخانكرن.</h3> <h3>رەفعەت سمۆ، بۆ ئاژانسا خانی دبێژیت: لژنەكا پارێزگهها نهینهوا سەرهدانا قەزا شنگالێ کرییه و ل ناحییا سنوونێ 166 دۆنهمێن ئهردی بۆ زانكۆیا شنگالێ هاتینه تەرخان کرن، نوكه دەست ب رێکارێن ئیداری هاتینه كرن و دڤێت رەزامەندی ژ 14 وهزارهتان بهێته وەرگرتن و پاشی ئهو پرۆژه دێ بۆ وەزارەتا خواندنا بلند هێته هنارتن، بۆ تهمامكرنا وان رێكاران و دروستكرنا وێ زانكۆیێ نێزیکی سالهكێ دڤێت و بودجێ وێ زانكۆیێ ژی وهلاتێ ئیماراتێ دابینکرییە" كو نێزیکی 10 ملیۆن دۆلارێن ئهمریكینه.</h3> <h3>ناڤهاتی گۆت ژی: ل قووناغا ئێكێ یا وێ زانكۆیێ دێ کۆلیژا چاندنێ و کۆلیژا پەروەردێ" ل گهل چێكرنا پشكێن ناڤخۆیی هێنه دروست کرن، ئەڤە گاڤهكا گهلهك باشە بۆ شنگالێ" چونكی شنگال دێ بیته خودان زانکۆ" دیسان پشتی هنگێ دێ هندهك كۆلیژ ل شنگالێ بخۆ ژی هێنه ڤهكرن.</h3>
