پارتا چاكسازییا توركمانی راگه‌هاندنه‌ك بۆ ڕایا گشتی به‌لاڤكر.
پارتا چاكسازییا توركمانی دیاركر، ئیرادا گەلێ کوردستانێ ب هەموو پێکهاتێن وێ یێن جۆداڤه زۆر ژ هندێ ب هێزترن کو ب نه دەستوری و نه یاسایی بڤێت سیستەمه‌كێ هاتییه سەپاندن ب سەر مه دا بسەپینن.
هه‌روه‌سا گۆتییه، مەکتەبا سیاسییا پارتی دیموکراتی کوردستان ب سەرۆکاتییا سەرۆک مەسعود بارزانی کۆمبۆویە و گرینگترین بڕیار ب ئاراستەیا بەرژەوەندییا گەل و کوردستانێ دا كو پارتی نەچیتە ژێر بارێ پەسەند کرنا بریارا نه دەستوری و سیستەمه‌كێ سەپاندی ژ دەرڤه‌یی ئیرادا گەلێ هەرێما كوردستانێ و دامەزراوەیێن دەستوری و پشكداری د هەلبژارتنه‌كێ دا نەكه‌ت کو ب نه یاسایی و نه دەستوری و ژ سایا سیستەمه‌كێ سەپاندی دا برێڤە بچیت.
پارتا چاكسازییا توركمانی گۆت ژی، وەکو پێکهاتەیێ تورکمانی و پارتا چاکسازییا تورکمانی سوپاسییا هەلویستێ نیشتیمانی یێ سەرۆک بارزانی و پارتی دکەین کو هەموو ده‌مان جەنابێ سەرۆکی ل سەنگەرێ بەرگرییێ بوویە د پاراستن و چەسپاندنا مافێن سەرجەم پێکهاتێن جۆدا ل هەرێما کوردستانێ، هەرده‌م کار ل سەر ب هێزكرنا پێکڤەژیانا ئاشتیانە دناڤبه‌را پێکهاتان دا کرییە ته‌كه‌زی ل سه‌ر پشكدارییا هه‌موویان د حوکومرانی و پرۆسا سیاسی دا کرییە.
