سەرۆكێ دادگەها فیدرالی: هنارتنا مووچەیێ فەرمانبەرێن هەرێما كوردستانێ كارێ مە یێ سەرەكییە

سەرۆككۆمارێ عیراقێ كۆمبوونەك دگەل سەرۆك و ئەندامێن دادگەها بلندا فیدرالی كر و ڕاگەهاند، پێدڤییە قانوون ناڤبەینكار و دەستێ بلند بیت د ڕێكخستنا پەیوەندییێن دناڤبەرا هەولێر و بەغدا دا.

دكۆمبوونێدا دادوەر جاسم محەمەد عەبود سەرۆكێ دادگەها فیدرالی ڕاگەهاند، دادگەها فیدرالی ب ئێك ئاست سەرەدەرییێ دگەل هەموویان دكەت، كار ب دەقێن دەستووری و قانوونێ دكەت، بابەتێ هەلبژارتنان و هنارتنا مووچەیێ فەرمانبەرێن هەرێما كوردستانێ كارێ مە یێ سەرەكییە.

دووپات ژی كر، دادگەها فیدرالی یا ئامادەییە كار دگەل هەموو لایەنێن پەیوەندیدار بكەت، ژ پێخەمەت بجهـ گەهاندنا شایستەیێن دارایی ل ژێر پەرێن دەستووری.