د دووماهى ڕوونشتنا جڤاتا نوونه‌رێن عیراقێدا، ده‌نگ ل سه‌ر هه‌مواركرنا قانوونا سزادانا عیراقێ ژماره‌ 111 یا سالا 1969ێ هاته‌ دان و قانوون ب كۆما ده‌نگان هاته‌ هه‌مواركرن.

دقانوونا نوو یا سزایێن عیراقێدا، ده‌نگ بلندكرن و ده‌ركه‌ڤتن ژ فه‌رمانا دایك و بابان دێ وه‌كو تاوان هێته‌ هژمارتن، جڤاتا نوونه‌ران ئه‌ڤ بریاره‌ ژ پێخه‌مه‌ت پاراستنا خێزانێ و سیسته‌مێ جڤاكى ده‌رخست.

ئه‌ڤ قانوونه‌ یا تایبه‌ته‌ ب شێوازێ سه‌ره‌ده‌ریكرنێ دگه‌ل دایك و بابان، ل دووڤ قانوونێ ئه‌گه‌ر دایك و بابان ژبه‌ر وێ ڕه‌فتارێ سكالا ب دژى زارۆیێن خوه‌ تۆماركر، دێ ڕێكارێن قانوونى به‌رامبه‌ر هێنه‌ وه‌رگرتن.