ب هێزترین سکانەرێ MRI ل جیهانێ دا ئێکەم وێنێ خۆ د مهژییێ مرۆڤیدا گرت و ب ڤێ چهندێ تەکنۆلۆژییا نۆشداری گەهشتە ئاستهكێ نوو یێ هووربینی و نۆشدار ب رێیا ڤێ تەکنۆلۆژییایێ دخوازن پتر رۆناهییێ بێخنە سەر نهێنییێن مهژیێ مرۆڤی.
ههروهسا ئەڤ تەکنۆلۆژییە دێ ئامرازهكێ پێشکەفتی بیت بۆ دەستنیشانکرنهكا پێشوەخت بۆ ئەوان نەخۆشییێن دبنه گهف بۆ ساخلهمییا مهژی.
لدووڤ کۆمیسیۆنا وزەیا ئەتۆمییا فرەنسا (CEA) بۆ جارا ئێكێ ل سالا 2021 ێ” ئەڤ ئامیرە ب کارئینا بۆ سکانکرنا کولكهكێ، بەلێ ل ڤان داوییان دەستههلاتدارێن ساخلهمییێ گلۆپا كهسك بۆ سکانکرنا مهژییێ مرۆڤ هەلکر” ل چەند ههڤێن بوری نێزیکی 20 خۆبەخشێن ساخلهم خۆبەخشانە د ڤێ ئەزموونێ دا پشكداربووینه.
ئەلێکساندەر ڤیگنۆ، زانایێ فیزیایی کو ل سەر وی پڕۆژهیی کار دكهت و دبێژیت: مه ئاستهكێ هووربینی دییتییه کو پێشتر ل سەنتەرێ مه ئهم نهگههشتبووینێ.
ئەو کێلگەیێ موگناتیسی کو ئهو سکانەرە دروست کرییە، 11.7 تێسلایە، یەکەیەکا پیڤانەکری كو ب ناڤێ داهێنەر نیکۆلا تێسلایی هاتییه کرن.
ئهو هێزە رێكێ ددهته وی ئامیری وێنان ب هووربینهكا 10 هندە زێدهتر ژ (MRI) ان کو ب رهنگهكێ بهربهلاڤ د نەخۆشخاناندا دهێنه بکارئینان سکان بکهت.
